އެމެރިކާ އާއި އިސްރާއީލްގެ ބައިވެރިން ފިތުނަ އުފައްދަން ނިކަން މޮޅުވާނެ: އީރާނުގެ ރައީސް
އީރާނުގައި މިފަހަކުން ފެނިގެންދިޔަ މުޒާހަރާތައް ބޮޑެތި ހަމަނުޖެހުންތަކަކަށް ބަދަލުވީ، އެމެރިކާގެ ރައީސް ޑޮނަލްޑް ޓްރަމްޕާއި، އިސްރާއީލުގެ ބޮޑުވަޒީރު ބެންޖަމިން ނަތަންޔާހޫގެ ސަބަބުންކަމަށް އީރާނުގެ ރައީސް މަސްއޫދު ޕެޒެޝްކިއަން ތުހުމަތު ކުރައްވައިފިއެވެ.
އީރާނުގެ ސްޓޫޑަންޓް ނިއުސް ނެޓްވޯކުން ރިޕޯޓްކޮށްފައިވަނީ، އީރާނުގައި ކުރިއަށްދިޔަ މުޒާހަރާގެ ތެރެއަށް އެމެރިކާ އާއި އިޒްރާއީލްގެ ވެރިންގެ އިތުރުން ވިލާތުގެ ޤައުމުތަކުން ވަދެ ކަންކަން ގޯސްކޮށްފައިވާކަަށެވެ. އީރާނުގެ ޤައުމީޓީވީ މެދުވެރިކޮށް ދެއްވި ތަގުރީރެއްގެ މައްޗަށް ބިނާކޮށް ސްޓޫޑެންޓް ނެޓްވޯކުން ބުނެފައިވަނީ، އީރާނުގައި އާއްމުންގެ ތެރެއިން ބަޔަކު ނިކުމެ ކުރި މުޒާހަރާގެ ތެރެއަށް އެމެރިކާ އާއި އިސްރާއީލްގެ ބައިވެރިންވަދެ ޤައުމުގައި ހަމަނުޖެހުން ހިންގުމަށް ހިތްވަރުދީފައިވާކަމަށެވެ.
އެގޮތުން މުޒާހަރާގެ ބައިވެރިންގެ ތެރެއިން ބައެއް މީހުންނަށް ހަތިޔާރުގެ ވަސީލަތްތައް ފޯރުކޮށްދީ، އެ މީހުން މަގުތަކަށް ނެރެ، ގައުމު ބައިބައިކޮށް، ރައްޔިތުންގެ މެދުގައި ނަފްރަތާއި ދެބަސްވުން އުފެއްދުމަށް އެމެރިކާ އާއި އިސްރާއީލްގެ ބައިވެރިން މަސައްކަތް ކުރިކަމަށް ޕެޒެޝްކިއަން ވިދާޅުވިކަމަށް ވަނީ ރިޕޯޓްކޮށްފައެވެ.
ރައްޔިތުން ކުރި މުޒާހަރާއެއްގެ ތެރެއަށް ހަތިޔާރުހިފައިގެން ނުކުމެ، މަރައި އެމްބިއުލާންސާއި މާރުކޭޓްފަދަ އާއްމު ރައްޔިތުން ޒަރުރީ ބޭނުންތައް ފުއްދާ ތަންތަނުގައި ހުޅުޖަހައި ނުހަދާނޭކަމަށެވެ. މުޒާހަރާގެ ކަންކަން ފުރޮޅިގެންދިޔައީ އެބައިމީހުންގެ ފިތުނައިންކަން އީރާނުގެ ރައީސްގެ ވާހަކަފުޅުގައި ފާހަގަކުރިކަމަށް ވަނީ ބުނެފައެވެ.
ސްޓޫޑެންތް ނެޓްވޯކުން ވަނީ މުޒާހަރާތަކުގައި 3،000 މީހުންގެ ފުރާނަ ގެއްލުނުކަމަށް ބުނެފައެވެ. އޭގެ ތެރޭގައި ގިނައީ ސަލާމަތީ ބާރުތަކުގެ އޮފިސަރުންކަން ވަނީ ފާހަގަކޮށްފައެވެ.
އީރާނާ އެމެރިކާގެ މަޝްރަހު ވަރަށް ހޫނުވެފައިވައިރު، ދެފަރާތުންވެސް ހަނގުރާމައަށް ފުރިހަމައަށް ތައްޔާރުވެފައިވާކަމަށް އީރާން އަދި ހުލަނގަށް ނިސްބަތްވާ މީޑިއާތަކުން ވަނީ ރިޕޯޓްކޮށްފައެވެ.
Advertisement
This content is created and paid for by advertisers and does not involve Voice Journalists
