ބްލަޑް ބޭންކަށް ލޭ ލިބުން ދަތިވެފައިވާ މައްސަލައަށް އިޖާބަދިނުމުގެ ގޮތުން މޯލްޑިވްސް އެއަރޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން އިސްނަގައިގެން މޯލްޑިވްސް ބްލަޑް ސާވިސް (އެމްބީއެސް)އާ ގުޅިގެން ލޭ ހަދިޔާކުރުމަށް ކޭމްޕެއް ފަށައިފިއެވެ.
އެމްއޭސީއެލުން ބުނީ ހުޅުލޭގައި ހުންނަ އެއަރޕޯޓް ރެކްރިއޭޝަން ސެންޓަރު (އޭއާރުސީ)ގައި މިއަދާއި މާދަމާ ކުރިއަށް ގެންދާ މި ކޭމްޕަކީ އެކުންފުނީގެ އިޖުތިމާއީ ޒިންމާގެ ދަށުން ކޮންމެ އަހަރަކުވެސް ކުރިއަށް ގެންދާ ޕްރޮގްރާމެއް ކަމަށެވެ.
މި އަހަރުގެ ކޭމްޕް ފައްޓަވައިދެއްވީ ޗީފް ކޮމާޝަލް އޮފިސަރު (ސީސީއޯ) މުހައްމަދު މިހާދުއެވެ. މި ރަސްމިއްޔާތުގައި އެމްބީއެސްގެ އޮފިޝަލުންނާއި އެމްއޭސީއެލްގެ އިސް އޮފިޝަލުންނާއި ސްޓޭކްހޯލްޑަރުންގެ ފަރާތުން ބައިވެރިވިއެވެ.
އެމްއޭސީއެލުން ލޭ ހަދިޔާކުރުމަށް ފެށި ކެޕްޕެއިނުގެ ތެރެއިން... ފޮޓޯ: އެމްއޭސީއެލް
އެހެން އަހަރުތަކާ ހިލާފަށް މި އަހަރުގެ ކޭމްޕް ކުރިއަށް ގެންދަނީ މުޅި ވެލާނާ އިންޓަރނޭޝަނަލް އެއަރޕޯޓް (ވީއައިއޭ) އަށް ހުޅުވާލައިގެންނެވެ. މީގެ މަގުސަދަކީ ލޭ ލިބުން ދަތިވެ, އެމްބީއެސް އިން އާންމުންގެ އެހީތެރިކަމަށް އެދިފައިވާތީ އާއި ކޮންމެ އަހަރެއްގެވެސް ރޯދަމަހު ލޭ ލިބުން ދަތިވާތީ އެކަމަށް އެހީތެރިވުމުގެ ގޮތުންކަމަށް އެމްއޭސީއެލުން ބުނެއެވެ.
މިދުވަސްވަރު ލޭ ލިބުން ވަރަށްބޮޑަށް ދަތިވެފައިވާކަމަށް މޯލްޑިވްސް ބްލަޑް ސާވިސްއިން ވަނީ ބުނެފައެވެ. އެގޮތުން އެމްބީއެސްއިން ވަނީ 6 ބާވަތެއްގެ ލޭ ހަދިޔާކުރުމަށް އެދި އާއްމުންގެ އެހީއަށްވެސް އެދިފައެވެ. ބޭނުންވާ ލޭގެ ބާވަތްތަކުގެ ތެރޭގައި، އޭ ޕޮޒިޓިވްއޯ އާއި އޯ ޕޮޒިޓިވް ލެޔާއި ބީ ނެގެޓިވާއި ބީ ޕޮޒިޓިވް ލޭގެ އިތުރުން އޭބީ ޕޮޒިޓިވް ލެޔާއި އޭބީ ނެގެޓިވް ލޭ ހަދިޔާ ކޮށްދޭން ވަނީ އެދިފަ އެ
Advertisement
This content is created and paid for by advertisers and does not involve Voice Journalists
