ޓެކްސް ނުދައްކާ 25 ފަރާތެއްގެ ނަންތައް ދައުލަތުގެ ޓެކްސް އިދާރާއިން އާއްމުކޮށްފިއެވެ.
މޯލްޑިވްސް އިންލަންޑް ރެވެނިއު އޮތޯރިޓީން އާއްމުކުރި މި ލިސްޓްގައި ހިމެނެނީ، އެއްލައްކަ ރުފިޔާއަށް ވުރެ ގިނައިން ދައުލަތަށް ފައިސާ ދައްކަންޖެހި ނުދައްކާ ފަރާތްތަކެވެ. މި ފަރާތްތަކުގެ ނަންތައް މީރާއިން ހާމަކޮށްފައިވަނީ ޓެކްސް ނުދައްކާ ފަރާތްތަކުގެ ނަންތައް ހާމަކުރުމުގައި އެ އިދާރާއިން ގެންގުޅޭ ސިޔާސަތުގެ ތެރެއިންނެވެ.
މީރާއިން ބުނީ އެ އިދާރާއިން ވާނީ ޓެކްސް ދެއްކުމަށް އެފަރާތްތަކަށް އެކި ފަހަރުގެ މަތިން ގުޅައި، ލިޔެކިޔުމުން ކުރަންޖެހޭ މުއާމަލާތްތައްކޮށްފައެވެ.
މީރާއިން ނަންތައް އާއްމުކުރި ފަރާތްތަކުގެ ތެރޭގައި ހިމެނެނީ 2024 ވަނަ އަހަރު އާމްދަނީން ނަގާ ޓެކްސް ނުދައްކާ ފަރާތްތަކެވެ. އެ އިދާރާއިން ވަނީ ޓެކްސް ދެއްކުމަށް ކަނޑައެޅިފައިވާ ސުންގަނޑި ހަމަވުމުގެ ކުރިން ޓެކްސްބަޔާން ހުށަހެޅުމަށް އިލްތިމާސްކޮށްފައެވެ.
ދައުލަތަށް ނުލިބިވާ ފައިސާ ހޯދުމަށް މީރާއިން މިދިޔަ އަހަރު ކުރި މަސައްކަތްތަކުން 1.46 ބިލިއަން ރުފިޔާ ވަނީ ހޯދާފައެވެ. ދައުލަތަށް ނުލިބިފާ ފައިސާގެ އަދަދު 13.8 ބިލިއަން ރުފިޔާއަށް އަރާކަމަށް މީރާގެ ތަފާސްހިސާބުތަކުން ދައްކައެވެ.
Advertisement
This content is created and paid for by advertisers and does not involve Voice Journalists
