ކުރިއަށްއޮތް ދުވަސްތަކުގައިވެސް ރާއްޖެ ސަރަހައްދަށް ދުންފުހުގެ އަސަރު ކުރާނޭކަމަށާއި، އެކަމަށް ސަމާލުވުމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން އިލްތިމާށްކޮށްފިއެވެ.
އެޗްޕީއޭއިން ބުނީ މޯލްޑިވްސް މީޓިއޮރޮލޮޖިކަލް ސަރވިސަސް ގެ ތަފާސް ހިސާބުތަކުން ދައްކާގޮތުން ރާއްޖޭގެ ސަރައްޙަދުތަކަށް، އަދިވެސް ދުންފުހުގެ އަސަރު ކުރާނޭކަމަށް ފާހަގަކޮށްފައިވާ ކަމަށެވެ. ޚާއްޞަކޮށް އުތުރާއި މެދު ރާއްޖެތެރޭގެ އަތޮޅުތަކަށް ދުންފުހުގެ އަސަރު ކުރަމުންދާކަމަށް ވަނީ ބުނެފައެވެ.ދަނީ ކުރަމުން. އެގޮތުން ކުރިއަށް އޮތް 4 ދުވަހުވެސް ދުންފުހުގެ އަސަރު ރާއްޖޭގެ ސަރަޙައްދުގައި ހުންނާނެ ކަމަށް ބެލެވޭ ކަމަށް އެޗްޕީއޭއިން ވަނީ ބުނެފައެވެ.
އެޗްޕީއޭއިން ވަނީ މިކަމާ ގުޅިގެން ރައްކާތެރިކަމުގެ ފިޔަވަޅުތައް އެޅުއްވުމަށް ޚާއްޞަ ސަމާލުކަމެއް ދިނުމަށް އިލްތިމާސްކޮށްފައެވެ.
ވައިނުސާފުވުން މިއަދު އެންމެބޮޑީ މާލެ ސަރަހައްދަށެވެ. މާލެ ސަރަހައްދުންވެސް ހާއްސަ ގޮތެއްގައި ވިލިނގިއްޔަށް ވައިނުސާފުވުން ބޮޑެވެ. މި ސަރަހައްދުގެ ސަމާލުވާންޖެހޭ މިންވަރަށް ބަލާއިރު، ހުރީ ރަތް މިންގަނޑުގައެވެ. އެ މިންގަނޑުގައި ހުރުމުން ސިއްހީގޮތުން ނޭދެވޭ އަސަރުތައް ކުރުމާއި، ފުއްޕާމެއާ ހިތުގެ ބަލިތައް ބަލިތައް ބޮޑުވުމުގެ ނުރައްކާ އެންމެނަށްވެސް ބޮޑެވެ.
މާލެ ސަރަހައްދު ފިޔަވައި ދެން ވައިނުސާފްވުން އެންމެ ބޮޑީ ހދ.ކުޅުދުއްފުށީ ސަރަހައްދަށެވެ. އަދި ށ.އަތޮޅު ފުނަދޫއަށް ވައިނުސާފްވުން ހުރީ ރީނދޫ މިންގަނޑުގައެވެ.
Advertisement
This content is created and paid for by advertisers and does not involve Voice Journalists
