ކުރިއަށްއޮތް ރަމަޟާންމަހާއި ޝައްވާލު މަހުގެ ފުރަތަމަ 7 ދުވަހު ކެއިން ބުއިމުގެ ޚިދުމަތްދޭ ތަންތަން ހުޅުވާފައި ބަހެއްޓޭނެ ގަޑިތައް އިކޮނޮމިކް މިނިސްޓްރީން މިއަދު އާއްމުކޮށްފިއެވެ.

އިކޮނޮމިކް މިނިސްޓްރީން ބުނީ، ރޯދަ މަހު ކެފޭ ރެސްޓޯރެންޓުތައް ހުޅުވާފައި ބެހެއްޓޭނެ ގަޑިއެއްގެ ގޮތުގައި ކަނޑައަޅާފައިވަނީ، ހަވީރު 5:30 އިން މެންދަމު 3:00 އާ ދެމެދު ކަމަށެވެ. އަދި ޝައްވާލްމަހުގެ ފުރަތަމަ 7 ދުވަހު ކެއިން ބުއިމުގެ ޚިދުމަތްދޭ ތަންތަން ހުޅުވާފައި ބަހައްޓަންވާނީ އެދުވަހެއްގެ ފަތިހު 4:30 އިން މެންދަމު 3:00 އާ ދެމެދު ކަމަށް މިނިސްޓްރީން ބުނެއެވެ.

ދިވެހިރާއްޖޭގައި މީހުން ދިރިއުޅޭ ރަށްތަކުގައި ހިންގާ، ކެއިންބުއިމުގެ ޚިދުމަތްދޭ ތަންތަންވެސް ހުޅުވާފައި ބެހެއްޓޭނީ އެގަޑިތަކުގައި ކަމަށް މިނިސްޓްރީން ވަނީ ބުނެފައެވެ.

މުދާ ވިއްކާ ތަންތަން ހުޅުވާފައި ބެހެއްޓޭނޭ ގަޑިތަކެއްގެ ގޮތުގައި ކަނޑައަޅާފައިވަނީ ފަތިހު 05:30 ހުން ފެށިގެން ރޭގަނޑު އެކެއް ޖެހުމާ ހަމައަށެވެ.

ކަލަންޑަރުގައިވާގޮތުން މިއަހަރުގެ ރަމަޟާންމަހުގެ ފުރަތަމަ ދުވަހަކީ، ފެބުރުއަރީމަހުގެ 18 ވަނަ ދުވަހެވެ.

ރަމަޟާންމަހަކީ ދިރިއުޅުމުގެ ބައެއް އާދަތަކަށް ބަދަލުތަކެއް އަންނަ މަހެކެވެ.