ސަރުކާރާ އިދިކީލަ ކައުންސިލެއް އޮތުމުން ޖެހޭ ތުރާ ބެލެނިވެރިޔާގެ ދުލުން
ކައުންސިލްތަކުގެ މެޖޯރިޓީ ސަރުކާރަށް މުހިންމުވަނީ ސަބަބެއް ނެތިއެއް ނޫންކަމަށް ކައުންސިލްތަކުގެ ބަލަދުވެރިފަރާތް، ލޯކަލް ގަވަމަންޓް އޮތޯރިޓީގެ ސީއީއޯ މުހައްމަދު ނިމާލް ވިދާޅުވެއްޖެއެވެ.
ކޮންގްރެސް ޕާޓީގެ މާފަންނު މެދުދާއިރާގެ ޖަގަހަ ހުޅުވުމަށް ރޭ ބޭއްވި ހަފްލާގައި އެލްޖީއޭގެ ސީއީއޯ ނިމާލް ވިދާޅުވީ، ކައުންސިލްތަކުގެ ބެލެނިވެރިޔާގެ ހައިސިއްޔަތުން ސަރުކާރަށް މެޖޯރިޓީ ނެތް ކައުންސިލްތަކުގެ ކަންކަން ހުންނަގޮތް ވަރަށް ރަނގަޅަށް އެނގޭކަމަށެވެ. ބައެއް ކައުންސިލްތަކުން ދައުލަތް ހިންގުމަށް ދަތިކޮށް، ސަރުކާރުން ރަށްރަށުގައި ކުރުމަށް ތާވަލްކުރާ މަސައްކަތްތަކަށް ދަތިކުރާކަން ފާހަގަކުރައްވަމުން ނިމާލް ވިދާޅުވީ، އިސްލާމިކް މިނިސްޓްރީން މިސްކިތެއްގައި ނަމާދުކުރަން ހުއްދަ ދިން ނަމަވެސް، ސަރުކާރަށް ޖެއްސުން ކުރުމުގެ ނިޔަތުގައި އެބާވަތުގެ ނޭއްގާނީ ކަންކަން ކުރާ ކައުންސިލްތައްވެސް ހުރިކަން ފާހަގަކުރެވިފައިވާކަމަށެވެ.
ނިމާލް ވިދާޅުވީ، އާރުޑީސީ ކަހަލަ އުމްރާނީ ތަރައްޤީގެ މަސައްކަތްތައް ކުރާ ކުންފުނިތަކުން ބައެއް ރަށްރަށަށް ގޮސް މަސައްކަތު މީހުން ބައިތިއްބުމަށް ބިންކޮޅެއް ދޭން އެދުމުން އެކަމާ ދެކޮޅަށް މަސައްކަތްކުރާ ކައުންސިލްތައް އެބަހުރި ކަމަށާއި، އަދި އޭޓީއެމް ފަދަ ރައްޔިތުންނަށް ސީދާ މުހިންމު ހިދުމަތްތައް ދިނުމަށް ބިން ހޯދުމަށް ހުށަހެޅުމުން އެކަމާ ދެކޮޅުވެ، މަސައްކަތްކުރާ ކައުންސިލްތައްވެސް އެބަހުރިކަމަށެވެ.
ޕީއެންސީގެ ފަރާތުން ވާދަކުރާ ކެނޑިޑޭޓުން....
ބައެއް ކަންއުންސިލްތަކުން ކުރާ މިފަދަ ކަންކަން ރައްޔިތުންނަށް އެނގެންޖެހޭ ކަމަށާއި، މިކަންކަން މިގޮތަށް ހިނގަމުން އަންނަކަމުގެ މައުލޫމާތު ރައްޔިތުންނަށް ފޯރުކޮށްދޭންޖެހޭކަމަށް ދެކިވަޑައިގަންނަވާކަމަށް ނިމާލް ފާހަގަކުރެއްވިއެވެ.
މީ ރައްޔިތުންނަށް އެނގެންޖެހޭ ވާހަކަ. އެހެންވީމާ މިކަހަލަ ކަންތައްތައް މިހެން ހުރީތީވެ ސަރުކާރަށް އަޅުގަނޑުމެން ބޭނުންވަނީ މެޖޯރިޓީ ހޯދާދޭން. ލާމަރުކަޒީ ޤާނޫނުން އެލްޖީއޭ އަށް ނޫނީ ލާމަރުކަޒީ ޤާނޫނުން ކައުންސިލްތަކަށް މިއޮތީ ވަކި ގޮތަކަށް އަމަލުކުރުމަށްޓަކައި ބާރު ލިބިދީފަ އޮތްކަމެއް. ރައްޔިތުންގެ ތަރައްޤީކުރުމަށްޓަކައި އޮތް ފަސޭހައެއް މީ. ރައްޔިތުންނަށް އެ ތަރައްޤީ އައިމާ އެކަންކަން ފަސޭހަކޮށްދިނުމަށްޓަކައި އޮންނަ ފަސޭހައެއް ކައުންސިލްތަކަކީ. މީ އެއްވެސް ގޮތަކަށް ޒިންމާދާރުކުރުވާ މިކަންކަން ކުރާކަށް އޮންނަ ފަސޭހައެއް ނޫން
އެލްޖީއޭގެ ސީއީއޯ ނިމާލް
ނިމާލް ވިދާޅުވީ ރައްޔިތުންގެ ލާބަ އާއި މަންފާއަށް ކުރާ ކަންތައްތަކުގައި ކައުންސިލްތަކުން ސަރުކާރުން އެއްބާރުލުން ނުދޭނަމަ، ކައުންސިލްތަކުގެ ބޭނުމެއް ނެތްކަމަށައި، ކައުންސިލްތައް ވާންޖެހޭނީ ސަރުކާރާއި ރައްޔިތުންނާ ގުޅުވާލަދޭ ބަޔަކަށް ކަމަށެވެ.
ޕީއެންސީގެ ފަރާތުން ކުރިމަތިލައްވާފައިވާ ކެނޑިޑޭޓުންނާ ގުޅޭގޮތުން ނިމާލް ވިދާޅުވީ، މާލޭގެ މޭޔަރުކަމަށް ޕީއެންސީ ޓިކެޓްގައި ވާދަކުރައްވާ މޫސާ އަލީ ޖަލީލާއި، ޑަބްލިއުޑީސީގެ ރައީސާކަމުގެ މަޤާމަށް އާއިޝަތު އަލައިކާ އަދި އެނޫންވެސް އެޕާޓީއަށް ނިސްބަތްވާ ކެނޑިޑޭޓުންނަކީ މިފަހަރު ބާއްވާ އިންތިހާބުގައި ވާދަކުރާ އެންމެ ޤާބިލް ބޭފުޅުންކަމަށެވެ. ރޭ ވަނީ ޕީއެންސީ މެދުހެންވޭރު ޖަގަހަ ހުޅުވައި ޖަގަހައިގައި ކެމްޕެއިން ހަރަކާތްތައް ރަސްމީކޮށް ފަށާފައެވެ.
Advertisement
This content is created and paid for by advertisers and does not involve Voice Journalists
