އިނގިރޭސި ޕްރިމިއާ ލީގްގައި ރޭ އާސެނަލް، ތާވަލްގެ އެންމެ ފުލުގައި އޮތް ވުލްވްސް އަތުން ބަލިވެ، ލީގް ހޯދުމަށް ކުރަމުންގެންދާ މަސައްކަތްތަކަށް އިތުރު ނުތަނަވަސްކަމާ ކުރިމަތިލާން ޖެހިއްޖެއެވެ.

ވުލްވްސްގެ ދަނޑުގައި ކުޅުނު މިމެޗް ނިމުނީ 2-2 ގެ ނަތީޖާއަކުން ދެޓީމް އެއްވަރުވެގެންނެވެ. މެޗްގައި އެންމެ ފާހަގަކޮށްލެވުނީ އާސެނަލުން ދެ ލަނޑުގެ ލީޑެއް ނަގާފައިވަނިކޮށް މެޗް އެއްވަރުވުމެވެ. މެޗްގައި އެންމެ ފުރަތަމަ ލަނޑެއް ޖަހައި ކުރި ހޯދީވެސް އާސެނަލްއެވެ. އެއީ މެޗް ފަށައިގެން ފަސް މިނެޓް ތެރޭގައި ސާކާ ކާމިޔާބުކޮށްދިން ލަނޑުންނެވެ.

ސާކާގެ ލަނޑަށްފަހު އާސެނަލްގެ ދެވަނަ ލަނޑު އެޓީމަށް ކާމިޔާބުކޮށްދިނީ މެޗްގެ ފަހު ހާފްގެ 56 ވަނަ މިނެޓް ތެރޭގައި ހިންކޭޕީއެވެ. މެޗްގައި ވުލްވްސްގެ ފުރަތަމަ ލަނޑު ފެނިގެން ގޮސްފައިވަނީ 61 ވަނަ މިނެޓްތެރޭގައެވެ. އެއީ ހޫގޯ ބުއޭނޯ ކާމިޔާބުކޮށްދިން ލަނޑުންނެވެ. މެޗްގައި ފެނިގެންދިޔަ ފަހު ލަނޑަކީ އާސެނަލްގެ ޑިފެންޑަރުންގެ އަތުން ބައިކޮޅަށްވަތް ލަނޑެކެވެ.

މެޗަށްފަހު އާސެނަލްގެ ކޯޗް މިކޭލް އަޓޭޓާ ސްކައި ސްޕޯޓްސް އާ ވާހަކަދައްކަމުން ބުނީ މިއީ ގަބޫލުކުރަން އުނދަގޫ ނަތީޖާއެއް ކަމަށާއި، މިމެޗުން އާސެނަލްގެ ކުޅުންތެރިންގެ ފަރާތުން މޮޅުވުމުގެ ރޫހު ފެނިފައި ނުވާކަމަށެވެ. ނަތީޖާ ކިތަންމެހާވެސް ލަދުވެތިކަން ފާހަގަކުރަމުން އަޓޭޓާ ބުނީ މިކަމުގެ ޒިންމާ އޭނާ އާއި މުޅި ޓީމުން ނަގާކަމަށެވެ.

އަޓޭޓާ ބުނީ މި ދަނޑިވަޅުގައި ފާޑުކިޔުމުގެ ބަދަލުގައި ސަޕޯޓަރުންނާއި ޓީމް އެކަތިގަނޑަކަށް ވެގެން މަސައްކަތްކުރަންޖެހޭ ކަމަށެވެ.

އަޓޭޓާ ބުނީ އާސެނަލްގެ ކުޅުން މި ވޭތުވެދިޔަ މަހެއްހާ ދުވަހުގެ ތެރޭގައި އެއްފެންވަރެއްގައި ހިފެހެއްޓިފައިނުވާކަމަށެވެ.

މެޗަށްފަހު ވާހަކަދައްކަމުން އާސެނަލްގެ ބުކާޔޯ ސާކާ ބުނީ މިއީ ހެދުނު ގޯސްތައް ރަނގަޅުކޮށް ކުރިއަށްދާންވީ ވަގުތު ކަމަށެވެ. އާސެނަލްގެ ކިބާގައި މޮޅުވުމުގެ ފެންވަރުހުރިކަން ފާހަގަކުރަމުން ސާކާ ވަނީ ކުރިއަށް އޮތްތަނުގައި މަސައްކަތް ކުރާނީ އެއް ރޫހެއްގައި ކަމަށެވެ.

ޕްރިމިއާ ލީގް ތާވަލް މިހާރު އޮތްގޮތަށް ބަލާއިރު ތާވަލްގެ އެއްވަނާގައި 58 ޕޮއިންޓާއެކު އާސެނަލް އުޅޭއިރު ދެވަނާގައި މެންޗެސްޓަރ ސިޓީ އޮތީ 53 ޕޮއިންޓާ އެކުގައެވެ. 

ޕްރިމިއާ ލީގް ތާވަލް

ޕްރިމިއާ ލީގްގައި ދެން އެންމެ އަވަހަށް މެންޗެސްޓަރ ސިޓީ ނިކުންނާނީ ނިއުކާސަލް ޔުނަިއޓެޑާ ދެކޮޅަށް މިމަހުގެ 22 ވަނަ ދުވަހުއެވެ. އެމެޗުން ސިޓީ މޮޅުވެއްޖެ ނަމަ އާސެނަލްއާ ދެމެދުއޮތް ފަރަގް 2 ޕޮއިންޓަށް ކުޑަވެގެންދާނެއެވެ.