ރަމަޟާން މަހު ވީހާވެސް މަދު ވަގުތުކޮޅެއް ބަދިގޭގައި ހޭދަކުރުމަކީ އަޅުކަމަށް ވަގުތު ދިނުމަށް މަގުފަހިކޮށްދޭނެ ކަމެކެވެ. އެހެންކަމުން މިއަދު ”ވޮއިސް“ ގެ ބަދިގެއިން ވަރަށް ކުޑަ ވަގުތު ކޮޅެއްގެ ތެރޭގައި ތައްޔާރު ކުރެވޭނެ ޑިޝްއެއްގެ ރެސިޕީއެވެ. 

4 ބާގާ ބަންސް

8 ސްލައިސް ޗީޒް

500ގ ބޯންލެސް ޗިކަން (ކުދިކޮށް ކިޔުބްކޮށް ކޮށާފައި)

1 ސައި ސަމުސާ ލޮނު

1 ސައިސަމުސާ މުގުރި މިރުސް

1/2 ސައި ސަމުސާ އަސޭމިރުސް

1 ސައިސަމުސާ ލޮނުމެދު ޕައުޑާ

2 މޭޒުމަތީ ސަމުސާ ތެޔޮ

ޗީޒް ސޯސް (ޗީޒް ސޯސްގެ ރެސިޕީ: https://voice.mv/46512)

އެންމެ ފުރަތަމަ، ލޮނު، މުގުރި މިރުސް، އަސޭމިރުސް،ލޮނުމެދު ޕައުޑާ،ކުކުޅަށް އަޅައިގެން، ތެޔޮފޮދެއްގައި ކުކުޅުކޮޅު ރަން މުށިކުލަ އަރަންދެން ރަނގަޅަށް ކައްކާލާށެވެ.

ބަނަސްތައް ދެފަޅިކޮށްލުމަށްފަހު، ބަނަސް ފަޅިތައް މައްޗަށް ކުކުޅުކޮޅު އަޅާށެވެ. އޭގެ މައްޗަށް ޗީޒް ސޯސް ރަނގަޅަށް އަޅާލުމަށްފަހު، ކޮންމެ ބަނަހެއްގެ މަތީގައި ޗީޒް ފޮއްޗެއް ބާއްވާށެވެ.

ކުރިއާލައި 180 ޑިގްރީ ސެލްސިއަސްއަށް ހޫނުކޮށްފައިވާ އަވަނެއްގައި، ޗީޒްކޮޅު ވިރި، ބަނަސްތަކަށް ރަން މުށިކުލައެއް އަރަންދެން ފިހެލާށެވެ.