ހޫނު ދުވަސް ތަކުގައި ފިނިފިނި ސްމޫތީ އެއް ބުއިލުމަކީ ހަށިގަނޑަށް އާރޯކަން ލިބިގެންދާނެ ކަމެކެވެ. ޚާއްސަކޮށް މިފަދަ ހޫނު ގަދަ ރޯދަމަހެއްގައި، ރޯދަ ވީއްލާ ގަޑީގައި މިފަދަ ސިއްޙަތަށް ފައިދާ ހުރި ފިނި ސްމޫތީ ބުއިލުމަކީ ހިތަށްވެސް ހަމަޖެހުން ލިބިގެންދާނެ ކަމެކެވެ. އެހެންކަމުން މިއަދު "ވޮއިސް" ގެ ބަދިގެއިން މި ގެނެސްދެނީ ވަރަށް މީރު ސްމޫތީއެއްގެ ރެސިޕީއެވެ. 

1 ދޮންކެޔޮ 

1 ޖޯޑު ފުލް ކްރީމް މިލްކް

1 މޭޒުމަތީ ސަމުސާ މާމުއި (ފޮނި ކުރަން ބޭނުން ނަމަ އިތުރު ކުރެވިދާނެ)

2 ޕެޝަން ފުރުޓް

1 ޖޯޑު އައިސްކިއުބް

1) މިކްސްޗަރަށް އައިސްކިއުބާއި ދޮންކެޔޮ، ޕެޝަން ފުރުޓް އަދި މާމުއި އެޅުމަށްފަހު ރަނގަޅަށް އެކުލަވައިލާށެވެ.

2) ރަނގަޅަށް ހިމުންވެ އެކުވުމުން، ތައްޓަކަށް އިތުރު އައިސްކިއުބް އެޅުމަށްފަހު ސްމޫތީ އަޅާލާނީއެވެ. އަދި ޕެޝަން ފުރުޓް ކޮޅެއް ސްމޫތީގެ މައްޗަށް ގާނިޝްކޮށްލަންވެސް އަޅާލެވިދާނެއެވެ.

މިހާރު ޕެޝަން-ބަނާނާ ސްމޫތީ ތައްޔާރުކޮށް ނިމިފައެވެ.