އިސްރާއީލުން އީރާނަށް ވައިގެ ހަމަލާތައްދޭން ފެށުމާ ގުޅިގެން އިރާގްގެ ވައިގެ ސަރަހައްދު ބަންދުކޮށްފިއެވެ.
އިސްރާއީލްގެ މީޑީޑިއާތަކުން ބުނެފައިވަނީ އެޤައުމުން އީރާނަށް ހަމަލާތައްދޭން ފަށާފައިވަނީ އިރާގްގެ ވައިގެ ސަރަހައްދުގެ ބޭނުންކޮށްފައިވާކަމަށެވެ. ސޯޝަލް މީޑިއާގައި ދައުރުވަމުންދާ ބައެއް ވީޑިއޯތަކުގައި އިރާގްގެ މަތިން މިސައިލްތައް ދާތަން ވަރަށް ރީތިކޮށް ފެނެއެވެ.
އީރާނަށް ހަމަލާ ދިންތާ ކުޑަވަގުތުކޮޅެއްގެ ތެރޭގައި އިރާގުން ވަނީ އެޤައުމުގެ ވައިގެ ސަރަހައްދު ބަންދުކޮށްފައިވާކަން ހާމަކޮށްފައެވެ. މިކަން އިރާގްގެ ޓްރާންސްޕޯޓް މިނިސްޓްރީން ވަނީ މިހާރު ރަސްމީކޮށް އަންގާފައެވެ. ހަމަލާތަކާ ގުޅިގެން ޢިރާޤުގެ އުތުރުގައި އޮންނަ އިރްބިލް އިންޓަނޭޝަނަލް އެއާޕޯޓުގެ ވައިގެ ދަތުރުފަތުރުތައް މުޅިން ހުއްޓުމަކަށް އައިސްފައިވާކަމަށްވެސް އިރާގުން ވަނީ ބުނެފައެވެ.
އިސްރާއީލުން އީރާނަށް ހަމަލާތައް ދޭން ފަށާފައިވާއިރު، މިކަމުގައި މެދުއިރުމަތީގެ ލީޑަރުން އަދި މިހާތަނަށް އެއްވެސް އެއްޗެކޭ ބުނެފައެއް ނުވެއެވެ.
Advertisement
This content is created and paid for by advertisers and does not involve Voice Journalists
