މިއަހަރު ބޭއްވުމަށް ހަމަޖެހިފައިވާ ދޫނިފިހާރަ ޤުރުއާން މުބާރާތުގައި ބައިވެރިވުމުގެ ފުރުސަތު ހުޅުވާލައިފިއެވެ.

މިމުބާރާތަކީ މުއިވެޔޮ 5 އަނގޮޅި ކަންމަތީގެ ޒުވާނުންތަކެއްގެ އިސްނެގުމަށް ދޫނި ފިހާރައިގެ ފަރާތުން އިންތިޒާމްކޮށްގެން ކުރިއަށްގެންދާ މުބާރާތެކެވެ. މިފަހަރަކީ މި މުބާރާތް ބޭއްވިގެންދާ 3 ވަނަ އަހަރެވެ.

މިފަހަރުގެ މުބާރާތުގައި ބައިވެރިވުމުގެ ފުރުސަތު ހުޅުވާލާފައިވާއިރު، މުބާރާތް ފެށުމަށް ހަމަޖެހިފައިވަނީ ރޯދަމަހުގެ 27 ވަނަ ދުވަހުއެވެ. 

ދޫނިފިހާރަ 1446 ވަނަ އަހަރުގެ މުބާރާތުގެ ތެރެއިން..

މުބާރާތް ކުރިއަށް ގެންދަނީ 6 އަހަރުން ދަށް 9 އަހަރުން ދަށް އަދި 12 އަހަރުން ދަށުގެ އުމުރުފުރާއަށް ހާއްސަކޮށެވެ. މިފަހަރު ގިނަ އިނާމްތަކެއް ހުށަހެޅިފައިވާއިރު، މުބާރާތް އިންތިޒާމްކުރާ ފަރާތުން ބުނީ، ކުރިއެކޭ އެއްގޮތަށް މިފަހަރުގެ މުބާރާތަށް ކޮންމެ ބޭފުޅަކަށް ވެސް ކިޔަވާކުދިންނައް އިނާމް ހުށަހެޅިދާނޭކަމަށް މުބާރާތް އިންތިޒާމްކުރާ ފަރާތުން ބުނެއެވެ. އެގޮތުން މިފަހަރު ކުރިއަށްގެންދަނީ ކިޔަވާ ކޮންމެ ކުއްޖަކަށްވެސް އިނާމް ލިބޭ ގޮތަށެވެ.

މި މުބާރާތަށް މުއިވެޔޮ ފަސްއަނގޮޅި ކަންމަތީން ހިމެނޭ ވަރަށް ގިނަ އާއިލާތަކާއި ވިޔަފާރިވެރީން އިނާމު ހުށައަޅަ އެވެ. އެގޮތުން މިދިޔަ ފަހަރުގެ މުބާރާތައްވެސް ވަރަށް ގިނަ ފަރާތްތަކެއްގެ އެއްބާރުލުން ލިބިގެންދިޔަކަމަށް މުބާރާތް އިންތިޒާމްކުރާ ފަރާތުން ވަނީ ބުނެފައެވެ.

މިދިޔަ ފަހަރު ބޭއްވި މި މުބާރާތުގައި ތިން އުމުރުފުރާ އަކުން ޖުމްލަ 22 ދަރިވަރުން ބައިވެރިވެ ވާދަކޮށްފައި ވެއެވެ. އަދި މުބާރާތުގެ އެއްވަނަ އިނާމަކަށް 10,000, ދެވަނަ އިނާމަކަށް 7,000 ގެ އިތުރުން ތިންވަނަ އިނާމަކަށް 5,000 ރުފިޔާގެ ފައިސާގެ އިނާމް ވަނީ ދީފައެވެ.