ފެނަކައިން ދެމުްނގެންދާ ކަރަންޓްގެ ހިދުމަތް ފދެމެހެއްޓެނިވި ގޮތެއްގައި ދިނުމަށް އައު ޖެންސެޓްތަކެއް ގެނެސްފިއެވެ.

ފެނަކައިން ބުނީ މުޅިން އައު 4 ޖެންސެޓް ގެނެސްފައިވާއިރު އޭގެ ތެރޭގައި ހިމެނެނީ 600 ކިލޯވޯޓުގެ ތިން ޖެންސެޓާއި، 400 ކިލޯވޯޓުގެ އެއް ޖެންސެޓެވެ. މީގެ ތެރެއިން ދެ ޖެންސެޓް ރަށްރަށަށް ފޮނުވާލުމުގެ މަސައްކަތް މިހށރު ދަނީ ކުރަމުންނެވެ.

އަދި އިތުރު 2 ޖެންސެޓް މާލެގެެނެސް ކްލިއާ ކުރުމުގެ މަސައްކަތް ދަނީ ކުރަމުންނެވެ.

ޖެންސެޓް ފޮނުވާ ރަށްތައް:

600ކވ: ލ.އިސްދޫ

400ކވ: ދަނބިދޫ

600ކވ: ކެންދޫ

600ކވ: ކެލާ

ފެނަކައިން ބުނީ ދަނބިދޫއަށް ގެންދާ ޖެންސެޓާއި އިސްދޫއަށް ގެންދާ ޖެންސެޓް އެރަށްރަށަށް ގެންދިއުމަށް ލޯޑްކުރެވިފައިވާކަމަށެވެ. އަދި މާދަމާގެ ވަގުތެއްގައި އެ ރަށްރަށަށް ފޯރާނެ ކަމަށެވެ. ކެލާ އަދި ކެންދުއަށް ގެންދިއުމަށް ހަމަޖެހިފައިވާ ޖެންސެޓްތައް މިއަދުގެ ވަގުތެއްގައ ކްލިއާ ކުރެވިގެންދާއިރު، ވީހާވެސް އަވަހަކަށް އެ ރަށްރަށަށް ފޮނުވާލުމުގެ ކަންކަން ކުރެވިގެންދާނޭކަމަށް ފެނަކައިން ބުންޏެވެ.

ފެނަކައިން ބުނީ އެ ރަށްރަށުގައި ޑިމާންޑަށް ކަރަންޓް ދިނުމަށް މިވަގުތު ދަނީ ހުރިހާ ޖެންސެޓްތައް ބޭނުންކުރަމުންކަމަށެވެ. އައު ޖެންސެޓްތައް ގެންގޮސް ހިދުމަތް ދެވެން ފެށުމުން ކަރަންޓްގެ ފެންވަރު ރަނގަޅު ވެގެންދާނޭކަމަށް ފެނަކައިން ބުންޏެވެ.