ހދ.ކުޅުދުއްފުށީ ސިޓީގެ ފުޓްބޯޅަ ދަނޑު ނިންމުމުގެ މަސައްކަތް ހަމަޖެހިފައިވާ އުސޫލުން ކުރިއަށްދާކަމަށް ރޯޑް ޑިވެލޮޕްމަންޓް ކޯޕަރޭޝަން، އާރުޑީސީން ބުނެފިއެވެ.

އާރުޑީސީން އެކްސްގައި ކުރި ޕޯސްޓެއްގައި ވަނީ މި މަޝްރޫޢުގެ އަދާހަމަ އާއްމުކޮށްފައެވެ. އާރުޑީސީން ބުނީ، ކުޅުދުއްފުށި ސިޓީގައި ތަރައްޤީ ކުރުމަށް ހަމަޖެހިފައިވާ ފުޓުބޯޅަ ދަނޑުގެ ޓާފް އެޅުމަށް ބޭނުންވާ ސާމާނު އެރަށަށް އަންލޯޑް ކުރުމުގެ މަސައްކަތް ކުރަމުންދާކަމަށެވެ.

މި މަޝްރޫއަކީ ސަރުކާރުގެ ޕަބްލިކް ސެކްޓަރ އިންވެސްޓްމަންޓް ޕްރޮގްރާމްގެ ދަށުން ހިންގޭ މަޝްރޫއެކެވެ. އަދި މި މަޝްރޫއުގެ ދަށުން ގާއިމުކުރެވިގެންދާ ފުޓުބޯޅަ ދަނޑާއިއެކު އެރަށުގެ ރައްޔިތުންނަށް މަންފާތަކެއް ކުރާނެއެވެ.