މާޗް ނިމުމުގެ ކުރީން މީމާއި ލާމުގައި އާރުޓީއެލް ފެރީ ފަށަނީ
ރާއްޖެ ޓްރާސްޕޯޓް ލިންކު (އާރުޓީއެލް) ފެރީގެ ހިދުމަތް މ އަތޮޅާއި ލ އަތޮޅުގައި ފެށުމުގެ ތައްޔާރީތައް ކުރަމުންދާ ކަމަށް ޓްރާސްޕޯޓް މިނިސްޓަރު މުހައްމަދު އަމީން ވިދާޅުވެއްޖެ އެވެ.
މިއަދު އޮތް ނޫސްވެރީންގެ ބައްދަލްވުމުގައި ވާހަކަ ދައްކަވަމުން މިނިސްޓަރު އަމީން ވިދާޅުވީ މި މަހު ދެ އަތޮޅެެއްގައި ފެރީގެ ހިދުމަތް ފެށޭނެ ކަމަށެވެ. އެގޮތުން ލ އަތޮޅާއި މ އަތޮޅުގައި ހައި ސްޕީޑް ފެރީގެ ހިދުމަތް މި މަސް ނިމުމުގެ ކުރީން ފެށޭނެ ކަމަށް ވިދާޅުވި އެވެ.
އެކަމުގެ ތައްޔާރީތައް މިހާރު ދަނީ ކުރަމުންނެވެ.
އެންމެ ފަހުން އާރުޓީއެލްގެ ހިދުމަތް ފެށީ ފ އަތޮޅާއި ދ އަތޮޅުގަ އެވެ. ތަޖުރިބާގެ ދަތުރުތަކަށް ފަހު އަގު ނަގައިގެން މިހާރު ދަނީ ހިދުމަތް ދެމުންނެވެ.
ފ އަތޮޅާއި ދ އަތޮޅުގައި މި ހިދުމަތް ފެށުމުން ޖުމްލަ 14 އަތޮޅުގައި ހައި ސްޕީޑް ފެރީގެ ހިދުމަތް ފެށުނީ އެވެ. އެއާއެކު 133 ރަށެއް އާރުޓީއެލް އިން ގުޅާލެވުނީ އެވެ.
ސަރުކާރުގެ އަމާޒަކީ ޖޫން މަހުގެ ކުރީން ހުރިހާ އަތޮޅަކަށް މި ހިދުމަތް ފުޅާކުރުމެވެ.
Advertisement
This content is created and paid for by advertisers and does not involve Voice Journalists
