އުތުރު ކޮރެއާގެ ކޯސްޓްގާޑް މަނަވަރަކުން ކާމިޔާބުކަމާއެކު ކްރޫޒް މިސޭލެއް ޓެސްޓްކޮށްފި
އުތުރު ކޮރެއާގެ އަސްކަރިއްޔާގައި ހިމެނޭ ކޯސްޓްގާޑުގެ މަނަވަރަކުން ކްރޫޒް މިސޭލެއް ޓެސްޓްކޮށްފިއެވެ.
އަލްޖަޒީރާއިން ބުނެފައިވަނީ، މިއީ އުތުރު ރެއާގެ ޒައީމް ކިމް ޖޮންގް އުން، އެ ގައުމުގެ އަސްކަރީ ހިދުމަތަށް އަލަށް ނެރުމަށް ތައްޔާރުވަމުންދާ 5،000 ޓަނުގެ މަނަވަރެއްކަމަށެވެ. ޓެސްޓްތައް ވަރަށް ކާމިޔާބުކޮށް ދިޔަކަމަށް މީޑިއާތަކުން ވަނީ ރިޕޯޓްކޮށްފައެވެ.
"ޗޯ ހިޔޮން" ނަމަކަށް ކިޔާ މި މަނަވަރުން ކަނޑުން އެއްގަމަށް ފޮނުވާލާ މިސައިލްތައް ކާމިޔާބުކަމާއެކު ތަޖުރިބާ ކޮށްފައިވާއިރު، މިއީ އުތުރު ކޮރެއާގެ އަސްކަރިއްޔާއަށް ލިބިގެންދިޔަ މުހިންމު ކުރިއެރުމެއްކަމަށް އެޤައުމުން ވަނީ ބުނެފައެވެ.
އުތުރު ކޮރެއާގެ އަސްކަރީ މަނަވަރަކުން ކްރޫޒް މިސެއިލްތަކެއް ޓެސްޓްކޮށްފައި މިވަނީ އެމެރިކާ އާއި އިސްރާއީލް ގުޅިގެން އީރާނާ ދެކޮޅަށް ވައިގެމަގުން ހަނގުރާމައެއް ފަށާފައިވަނިކޮށެވެ. އީރާނާ އުތުރު ކޮރެއާއަކީ ވަރަސްގާތް ދެ ޤައުމެވެ. މި ދެ ޤައުމަކީވެސް އެމެރިކާއިން ދަތިކުރުމުގެ ފިޔަވަޅުތައް އަޅާފައިވާ ދެ ޤައުމެވެ.
ބައިނަލްއަޤްވާމީ ބައެއް މީޑިއާތަކުން ބުނެފައިވަނީ، އީރާނުން އުތުރުކޮރެއާގެ ކިބައިން އެހީއަކަށް އެދިއްޖެނަމަ އެޤައުމުން އެހީތެރިވެދޭން ތައްޔާރަށް އޮންކަމަށް ބުނެފައިވީނަމަވެސް އަދި އީރާނުގެ ފަރާތުން މިހާތަަށް އެހީއަކަށް އެދިފައި ނުވާކަމަށް ރިޕޯޓްތައް ބުނެއެވެ.
Advertisement
This content is created and paid for by advertisers and does not involve Voice Journalists
