ސްޕެނިޝް ލަލީގާގައި ރޭ ރެއާލް މެޑްރިޑާއި ސެލްޓަ ވީގޯ ބައްދަލުކުރިމެޗް ހަނިގޮތަކަށް ރެއާލުން ކާމިޔާބުކޮށްފިއެވެ.
ސެލްޓަ ވީގޯގެ އަމިއްލަ ދަނޑުގައި ކުޅުނު މިމެޗް އެޓީމުގެ މައްޗަށް ރެއާލުން ކުރި ހޯދީ 2-1 ގެ ނަތީޖާއަކުންނެވެ. ފޯރިގަދަ ކުޅުމެއް ފެނިގެންދިޔަ މިމެޗްގައި އެންމެ ފުރަތަމަ ލަނޑެއްޖަހައި ކުރި ހޯދީ ރެއާލުންނެވެ. އެއީ މެޗްގެ 11 ވަނަ މިނެޓް ތެރޭގައި ޗޫމޭނީ އެވެ.
ރެއާލުން ލީޑް ނަގާފައިވަނިކޮށް ސެލްތަ ވީގޯގެ އިގްލޭސިއަސް ވަނީ އޭގެ ދެ މިނެޓް ފަހުން ލަނޑެއް ޖަހައި މެޗްގެ ނަތީޖާ ހަމަހަމަކޮށްފައެވެ. މެޗްގެ ފުރަތަމަ ހާފް ނިމުނީ 1-1 ގެ ނަތީޖާއިން ދެޓީމް އެއްވަރުވެގެންނެވެ.
ދެވަނަ ހާފްގެ ކުޅުން ފަށައި ދެޓީމުންވެސް ވަނީ ލަނޑުޖަހާނެ ރަނަގޅު ފުރުސަތުތައް ހޯދާފައެވެ. ހާއްސަ ގޮތެއްގައި މެޗް ޑޮމިނޭޓްކުރަމުންދިޔަ ރެއާލްއަށް ވަނީ ރަނަގޅު ފުރުސަތުތައް ލިބިގެންގޮސްފައެވެ. މެޗުން ރެއާލް މޮޅުކޮށްދިން ލަނޑު ކާމިޔާބުކޮށްދިނީ އިތުރު ވަގުތުގެ ކުޅުމުގެ ތެރޭގައި ވަލްވާޑް އެވެ.
ރޭގެ މެޗުން ރެއާލަށް ތިން ޕޮއިންޓް ލިބުނުއިރު އެޓީމާ އެންމެ ވާދަވެރި ބާސެލޯނާ ތާވަލްގެ އެއްވަނާގައި އޮތީ އެންމެ ޕޮއިންޓެއްގެ ތަފާތަކުންނެވެ. ނަމަވެސް ރެއާލުން އެއްމެޗް އިތުރަށް ކުޅެފައި އޮތުން ބާސެލޯނާ ދެން ކުޅޭ މެޗުން އެޓީމް މޮޅުވެއްގެ ނަމަ 4 ޕޮއިންޓްގެ ކުރިއެރުމެއް ލިބޭނެއެވެ. ލަލީގާގައި ބާސެލޯނާ ދެން ނިކުންނާނީ އެތްލެޓިކް ކްލަބާ ދެކޮޅަށެވެ.
Advertisement
This content is created and paid for by advertisers and does not involve Voice Journalists
