އެމެރިކާ އާއި އިސްރާއީލުން ފޮނުވާ ވައިގެ ހަމަލާތައް އަމާޒުކުރަނީ އީރާނުގެ އާއްމު ސަރަހައްދުތަކަށް ކަމަށް އެޤައުމުިގެ އޮފިޝަލުން ތުހުމަތުކޮށްފިއެވެ.
އީރާނުގެ ތަސްނީމް ނިއުސް އޭޖެންސީއަށް މައުލޫމާތު ހިއްސާކުރަމުން އީރާނުގެ އޮފިޝަލަކު މިއަދު ވިދާޅުވެފައިވަނީ އެންމެފަހުން މިއަދު އަފްޝާން ޕްރޮވިންސަށް ދިން ހަމަލާތައްވެސް އަމާޒުކޮށްފައިވަނީ އާއްމުން ދިރިއުޅޭ ސަރަހައްދުތަަކށް ކަމަށެވެ. އެގޮތުން މިއަދުގެ ހަމަލާތަކުގައި އެކަނިވެސް 8 މީހެއްގެ ފުރާނަ ގެއްލި އެތައްބަޔަކު ޒަހަމްވެފައިވާކަމަށް ވިދާޅުވިއެވެ.
އަފްޝާން ޕްރޮވިންސްގެ ގަވަރުނަރު އޮފީހުގެ އޮފިޝަލް އަކްބަރު ސަލައިހީ ވިދާޅުވީ ޓެރަރިސްޓުން މިއަދު ދިން ހަމަލާތަކުިގައި ފުރާނަ ގެއްލުނު އާއްމު ރައްޔިތުންގެ ތެރޭގައި އަންހެނުންނާއި ކުޑަކުދިން ހިމެނޭކަމަށެވެ. އޭނާ ވިދާޅުވީ މިދިޔަ ދެ ދުވަހުގެ މަތިން ދިން ހަމަލާތަކުގައި އެ ޕްރޮވިންސްގެ އާއްމުން ދިރިއުޅެމުންދިޔަ އެތައް ތަނަކަށް ހަމަލާދީފައިވާކަމަށެވެ.
އީރާނުގައި ނުރައްކާތެރި ފަނާކުރަނިވި ހަތިޔާރު އުފައްދާކަމަށް ތުހުމަތުކޮށް އެމެރިކާ އަދި އިސްރާއީލުން އިސްވެ ދޭންފެށި މި ހަމަލާތަކުގައި އެންމެ ފުރަތަމަ ބިމާ ހަމަކޮށްލި ތަންތަނުގެ ތެރޭގައި އީރާނުގެ އަންހެންކުދިންނަށް ހާއްސަ ސްކޫލެއް ހިމެނެއެވެ.
އީރާނުގެ އަންހެންކުދިންގެ ސްކޫލަށް ދިން ހަމަލާގައި ފުރާނަ ގެއްލުނު ދަރިވަރުންގެ ހަށިތައް ވަޅުލުމުގެ މަސައްކަތް ކުރިއަށްްްގެންދަނީ.. ފޮޓޯ: ރޮއިޓާސް
އެ ހަމަލާގައި 160 ހަށްވުރެ ގިނަ ދަރިވަރުންގެ ފުރާނަ ގެއްލުނުއިރު، އދ ގެ ކަމާ ބެހޭ އިދާރާއިން ވަނީ އެ ހަމަލާ ކުށްވެރިކޮށްފައެވެ.
އެމެރިކާ އާއި އިސްރާއީލުން އިސްވެ އީރާނަށް ދޭންފެށި ވައިގެ ހަމަލާތަކުގެ ރައްދުގައި އީރާނުން ގެންދަނީ މެދުނުކެނޑި އެމެރިކާގެ ބޭސްތަކަށް ހަމަލާދެމުންނެވެ. މި ހަމަލާތަކުގައި އީރާނުގެ ރޫހީ ލީޑަރު އާޔަތުﷲ ހާމަނާއީގެ ފުރާނަ ގެއްލުވާލުން ފިޔަވައި އެމެރިކާ އަދި އިސްރާއީލަށް ހާސިލްވި މާބޮޑު ކަމެއް ނެތްކަމަށް ދިރާސާކުރާ ފަރާތްތަކުން ދަނީ ބުނެމުންނެވެ.
Advertisement
This content is created and paid for by advertisers and does not involve Voice Journalists
