ތަފާތު ލަވަތައް ކިޔައިގެން ދިވެހީންގެ ތެރޭގައި ބޮޑު މަޝްހޫރު ކަމެއް ހޯދި އިބްރާހިމް ރަޝީދުގެ ސިއްހީ ހާލަތު ވަރަށް ބޮޑަށް ގޯސްވެ ފަރުވާ ހޯދަމުންދާ ކަމަށް އޭނާގެ އާއިލާ އިން ބުނެފި އެވެ.
ރަޝީދަށް މިހާރު ދަނީ އައިޖީއެމްއެޗްގައި ފަރުވާ ދެމުންނެވެ. އޭނާގެ އާއިލާ އިން ބުނީ ރަޝީދުގެ ހާލު ދެރަ ކަމަށާ އެންމެންގެ ހެޔޮ ދުއާއަށް އެދޭ ކަމަށެވެ.
ރަޝީދު ދިވެހީންގެ ތެރޭގައި މަޝްހޫރުވީ (ހާބުރި ރަޝީދު) ގެ ނަމުންނެވެ. އުމުރުން 80 އަހަރާއި ގާތްވެފައިވާއިރު މި ފަހަކާ ޖެހެންދެން ހުރީ ވަރަށް ފިޓްކޮށް އެހާމެ ދުޅަހެޔޮ ކޮށެވެ. ނަމަވެސް މި ފަހުން އުޅެނީ ބަލިވެ އެވެ. ކުރީން ވެސް ހޮސްޕިޓަލްގައި އެޑްމިޓްކޮށް ފަރުވާ ދިނެވެ.
އޭނާ އަކީ ދިވެހި ބޮޑުބެރުގައި ވަރަށް ފާހަގަކޮށްލެވޭ މީހެކެވެ.
Advertisement
This content is created and paid for by advertisers and does not involve Voice Journalists
