އެމްޑީޕީގެ މާލެސިޓީގެ މެނިފެސްޓޯ "އަމާނަތްތެރި ޚިދުމަތް، މާލެ ސިޓީގެ ވިންދު" ރަސްމީކޮށް އިފްތިތާހްކޮށްފިއެވެ.

މެނިފެސްޓޯ ލޯންޗުކޮށްފައިވަނީ އެކަމަށްޓަކައި އެމްޑީޕީން ރޭ ބޭއްވި ހާއްސަ ޖަލްސާގައެވެ. ކައުންސިލް އިންތިހާބަށް ހާއްސަކޮށް ތައްޔާރުކުރި މި މެނިފެސްޓޯ ފަރުމާކޮށްފައިވަނީ މާލެސިޓީއަށް ކުރިމަތިވެފައިވާ މައްސަލަތަކަށް ހައްލު ލިބޭގޮތަށެވެ. އެމްޑީޕީން ބުނީ އަމާނާތްތެރި ހިދުމަތް - މާލެ ސިޓީގެ ވިންދު. މެނިފެސްޓޯ ބައްޓަން ކުރެވިފައިވަނީ ރައްޔިތުންނާ ދިމާވެފައިވާ މުހިއްމު މައްސަލަތަކާ ދެމެހެއްޓެނިވި އަވަސް ހައްލު ހޯދައިދީ އުފާ ފާގަތި ދިރިއުޅުމެއް މާލެ ސިޓީގެ ރައްޔިތުންނަށް ކަށަވަރު ކޮށްދިނުމަށްކަމަށެވެ.

އެގޮތުން މި މެނިފެސްޓޯ މައިގަނޑު ތިން ދާއިރާއަކަށް ބަހާލާފައިވާއިރު، މީގެ ތެރޭގައި ހިމެނެނީ ދިރިއުޅުމުގެ ފުރިހަމަ އުފާ ރައްޔިތުންނަށް ހޯދައިދިނުމަށް "ފަހި ދިރިއުޅުން" ވިޔަފާރީގެ ފޮނިމީރުކަން ކަށަވަރު ކޮށްދިނުމަށް "ވިޔަފާރިއަށް ފަހި" އަދި ރައްޔިތުންގެ ބާރުވެރިކަން ޔަގީން ކޮށްދިނުމަށް "ރައްޔިތުންނަށް އާރު" އެވެ.

- އަލަތު ކައިވެނީގެ ވަލީމާ ބާއްވާނެ ތަނެއް ހިލޭ ދިނުމަށް ނިންމުން

- އުތުރު ތިލަފަޅު ހިމަނާ އެ ސަރަހައްދުތަކުން ދޫކޮށްފައިވާ ގޯތިތައް އަވަހަށް ހަވާލުކޮށް ނިންމުން

- ލުއި ފަސޭހަ މާލީ ނިޒާމެއްގެ ތެރެއިން ގެދޮރު ބިނާކުރުމަށް

- ސިނަމާލެ ފްލެޓްތައް އަލުން ތަރައްގީ ކުރުމުގެ މަސައްކަތް ފެށުން

- ބާވެފައިވާ އިމާރާތްތައް ނައްތާލުމުގައި ލުއިފަސޭހަ ގޮތްތަކެއް ހަމަޖައްސައިދިނުން

- ބުޅާތައް މާލެސިޓީ ކައުންސިލަށް ބަދަލުކުރުން

- ކުޑަކުދިން ބަލަހައްޓާ ޗައިލްޑް ކެއާތައް ގާއިމްކުރުން

- މާލެ ސިޓީގެ ޕާކުތަކާއި ހުސް ބިންތަކާއި ބީޗުތައް ހިލޭ ވައިފައި ދިނުން

- މާލޭ ވިޔަފާރި ބަނދަރު ތިލަފުއްޓަށް ބަދަލުކޮށް އެ ސަރަހައްދު އާއިލާތަކަށް މޫދަށް އެރުމަށާ މުނިފޫހިފިލުވުމަށް ތަރައްގީކުރުން

މެއެމްޑީޕީން ބުނީ މި މެނިފެސްޓޯ އަކީ އެޕާޓީގެ ތަސައްވުރު ކަމަށާއި، އެއީ ތަންފީޒު ކުރާނެ ސިޔާސަތުތައް ކަމަށެވެ. އަދި މިއީ  ރައްޔިތުންނަށް އެމްޑީޕީން ވާ ވައުދެއްކަމަށެވެ.