ނުފުރިތިބި ޢުމުރާވެރިން، ޙައްޖު ކޯޕަރޭޝަންގެ އެހީގައި ސަޢުދީއަށް އަތުވެއްޖެ
އެކި ސަބަބުތައް ދިމާވެގެން ނުފުރުނު ޢުމްރާވެރިން މިވަގުތު ތިބީ ސަޢުދި ޢަރަބިއްޔާގައި ކަމަށް ޙައްޖު ކޯޕަރޭޝަނުން ބުނެފިއެވެ.
މީގެތެރޭގައި އަމިއްލަ ގްރޫޕަކުން ޢުމްރާއަށް ގެންދިއުމަށް ފައިސާ ނެގުމަށްފަހު އިންތިޒާމު ހަމަޖައްސާފައި ނުވާ އިތުރު 30 މީހުން ވެސް ހިމެނޭ ކަމަށް އެ ކޯޕަރޭޝަނުން ވަނީ ފާހަގަކޮށްފައެވެ.
މި ރޯދައާ ދިމާކޮށް އުމްރާގެ އަޅުކަމަށް ފުރަން ތައްޔާރުވި ބައެއް މީހުންނަށް ފުރޭ ގޮތް ނުވި އެވެ. އަލްއަބްރާރު ހައްޖު އެންޑް އުމްރާ ގުރޫޕުގެ ހަވާލުގައި ރަމަޟާން މަހު އުމްރާއަށް ދިއުމަށް ފައިސާ ދައްކާފައިވާ ބައެއްގެ ދަތުރު ކެންސަލު ކުރިއެވެ. އެކަން ކުރީ އިޒްރާލާއި އެމެރިކާއިން މެދުއިރުމަތީގައި ފަށާފައިވާ ހަނގުރާމައާ ގުޅުވަ އެވެ. ނަމަވެސް ކެންސަލުކުރީ މަގުބޫލު ސަބަބެއް ނެތި ގަވާއިދާ ހިލާފަށް އިސްލާމިކް މިނިސްޓްރީން ވަނީ ކަނޑައަޅާފަ އެވެ.
މީގެ އިތުރުން، ފްލައިޓްތައް ކެންސަލް ވުމުގެ ސަބަބުންވެސް ބައެއް މީހުންނަށް އުމްރާގެ އަޅުކަމަށް ސަޢުދީއަށް ނުފުރި ތިބިކަމަށް މީގެ ކުރިން އިސްލާމިކް މިނިސްޓަރު ޑރ. މުޙައްމަދު ޝަހީމް ވަނީ ވިދާޅުވެފައެވެ.
އެ އެންމެން ފުރުވުމުގެ އިންތިޒާމް ހަމަޖެއްސެވުމަށް ރައީސް ޑރ. މުޙައްމަދު މުޢިއްޒު އަންގަވާފައުވާއިރު، ވަޒީރު ޝަހީމް އިއްޔެ ވިދާޅުވީ އުމްރާއަށް ފުރުމުގައި އެކި ސަބަބުތަށް ދިމާވެގެން ނުފުރުނު 164 ޢުމްރާވެރިން ރޭ އުމްރާއަށް ފުރޭ ގޮތަށް ހަމަޖެހިފައިވާ ކަމަށެވެ. އެގޮތުން މޯލްޑިވްސް ހައްޖު ކޯޕަރޭޝަންގެ ފަރާތުން ވަނީ މޯލްޑިވިއަންގެ ފްލައިޓެއް ޗާޓަރ ކޮށްފައި ކަމަށް ވިދާޅުވި އެވެ.
އަދި މައްކާގެ އިންތިޒާމްތައް ވެސް ވަނީ ހަމަޖެހިފައި ކަމުގައި ވިދާޅުވި އެވެ.
Advertisement
This content is created and paid for by advertisers and does not involve Voice Journalists
