އިސްރާއީލުގެ ބަޖެޓުން ހަނގުރާމައަށް ކުރާ ހޭދަތައް ބޮޑުކުރާނީ އެޤައުމުގެ ރައްޔިތުން ނަތަންޔާހޫ ސަރުކާރާ ދެކޮޅަށް ނިކުތުމަށް ހަރަކާތްތަކެއް ފަށައިފިއެވެ.
އީރާނާއި ލުބުނާނުގެ ހިޒްބުالله އާ ދެކޮޅަށް ކުރާ ހަނގުރާމައަށް ހަރަދުކުރުމަށް އިސްރާއީލްގެ ބަޖެޓުން ބައެއް ހާއްސަކުރުމަށް ނަތަންޔާހޫގެ ސަރުކާރުން ވަނީ ނިންމާފައެވެ. އެގޮތުން ބަޖެޓްގެ ތިނެއް އިންސައްތަ ވަނީ ހަނގުރާމައަށް ހޭދަކުރުމަށް ނިންމާފައެވެ.
މި ނިންމުމުގެ ސަބަބުން، ލުބުނާނާއި ގާޒާގެ ބޯޑަރު ސަރަހައްދުތަކުގައި ދިރިއުޅޭ ޔަހޫދީންނަށް ދިނުމަށް ކަނޑައަޅާފައިވާ ގާތްގަނޑަކަށް 150 މިލިއަން ނިއު އިޒްރޭލީ ޝެކެލް (48 މިލިއަން ޑޮލަރު) ބަޖެޓުން އުނިވާނެއެވެ.
ނަތަންޔާހޫ ސަރުކާރުގެ މި ނިންމުމާ ގުޅިގެން އިސްރާއީލް އުތުރު ސަރަހައްދުގައި ދިރިއުޅެމުންދާ ރައްޔިތުން ވަނީ ހަޅުތާޅުކުރަން ފަށާފައެވެ. އަދި ބައެއް ރައްޔިތުން ވަނީ، މި ނިންމުމުގެ ސަބަބުން ހަނގުރާމައިގެ މި ދަނޑިވަޅުގައި އެފަރާތްތައް އިތުރަށް ނިކަމެތި ވެގެންދާނޭކަމަށް ބުނެފައެވެ.
ހަނގުރާމައިގެ ސަބަބުން ލިބޭ ގެއްލުންތަކަށް އެހެން ކަންކަމަށް ބަޖެޓްކުރި އަދަދުތައް އެކަށަ އަޅަމުންދާ މައްސަލާގައި ޤާނޫނުހަދާ މަޖިލީހުގެ ބައެއް މެމްބަރުންވެސް ވަނީ ނަތަންޔާހޫއާ ދެކޮޅަށް ނިކުމެފައެވެ.
އެމެރިކާ އާއި އިސްރާއީލް އިސްވެ އީރާނާ ދެކޮޅަށް ފަށާފައިވާ ހަނގުރާމައިގައި އިސްރާއީލްގެ އަވަށްތަކަށް ބޮޑެތި ގެއްލުންތަކެއް ދަނީ ލިބެމުންނެވެ. އެގޮތުން ތެލްއަވީވްގެ މުހިންމު އިންފްރާސްތަކްޗާތަކެއް ބިމާ ހަމަވެފައިވާއިރު، މިއީ އިސްރާއީލްގެ އިގްތިސާދަށްވެސް ކުރިމަތިވާނޭ ބޮޑު ގޮންޖެހުމަކަށް ވާނޭކަމަށް ދިރާސާކުރާ ފަރާތްތަކުން ބުނެއެވެ.
Advertisement
This content is created and paid for by advertisers and does not involve Voice Journalists
