އިނގިރޭސި ޕްރިމިއާ ލީގްގައި ރޭ މެންޗެސްޓަރ ޔުނައިޓެޑާ އެސްޓަން ވިލާ ބައްދަލުކުރިމެޗް ޔުނައިޓެޑް ކާމިޔަބުކޮށް ޗެމްޕިއަންސްލީގުން ޖާގައެއް ހޯދުމަށް ކުރަމުންގެންދާ މަސައްކަތްތަކުގެ އުއްމީދުތަށް އާކޮށްފިއެވެ.
މެޗަށް ނިކުތުމުގެ ކުރިން ލީގް ތާވަލްގައި ދެ ޓީމް ޕޮއިންޓްގެ ގޮތުން އޮތީ އެއްވަރެއްގައެވެ. ނަމަވެސް ފައިދާ ގޯލްގެ ތަފާތުން ކުރީގައި އޮތީ ޔުނައިޓެޑެވެ. މި މެޗްގައި ހުރިހާ ލަނޑެއްވެސް ފެނިގެން ގޮސްފައިވަނީ ފަހު ހާފްގެ ކުޅުމުގެ ތެރޭގައެވެ. ޔުނައިޓެޑަށް ގޯލް ހުޅުވާލަދިނީ، 53 ވަނަ މިނެޓް ތެރޭގައި ކަސެމީރޯއެވެ.
މެންޗެސްޓަރ ޔުނައިޓެޑުން ލީޑް ނަގާފައިވަނިކޮށް އެސްޓަންވިލާގެ ބާކްލޭ ވަނީ 64 ވަނަ މިނެޓް ތެރޭގައި ލަނޑެއް ޖަހައި މެޗްގެ ނަތީޖާ ހަމަހަމަކޮށްފައެވެ. މެޗުން ޔުނައިޓެޑަށް ދެވަނަ ލަނޑު ކާމިޔާބުކޮށްދިނީ، 71 ވަނަ މިނެޓް ތެރޭގައި، ކުންހާއެވެ. މެޗްގައި ޔުނައިޓެޑްގެ ލީޑް ފުޅާކޮށްދިނީ، 81 ވަނަ މިނެޓް ތެރޭގައި ސެސްކޯއެވެ.
މެޗަށްފަހު ޔުނައިޓެޑްގެ ކުރީގެ ފޯވަޑް ވޭން ރޫނީ ވަނީ ކޯޗް ކެރިކަށް އޭނާގެ މަގާމް މިވަގުތަށް ދާއިމީ ކުރުްނ މުހިންމުކަން ފާހަގަކޮށްފައެވެ. ބީބީސީ ރޭޑިއޯއަށް ދިން އިންޓަރވިއެއްގައި ރޫނީ ބުނީ، މެންޗެސްޓަރ ޔުނައިޓެޑްގެ ކޯޗްކަމަށް އައްޔަނުކުރަން މިހާރު އެންމެ ހައްޤުކަން ބޮޑީ ކެރިކްކަމަށެވެ.
އިނގިރޭސި ޕްރިމިއާ ލީގްގައި ރޭ ކުޅުނު ފާހަގަކޮށްލެވޭ އެހެނިހެން މެޗްތަކަށް ބަލާއިރު، ސްޕާސް އާ ލިވަޕޫލް ބައްދަލުކުރިމެޗް ނިމުނީ 1-1 ގެ ނަތީޖާއަކުން ދެޓީމް އެއްވަރުވެގެންނެވެ.
Advertisement
This content is created and paid for by advertisers and does not involve Voice Journalists
