މިފްކޯއިން ޑީސަލް ވިއްކާ އަގަށް ބަދަލު ގެނެސްފި
މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ ލިމިޓެޑް، މިފްކޯއިން ވިއްކާ ޑީސަލްގެ އަގު ބޮޑުކޮށްފިއެވެ.
މިފްކޯއިން މިއަދު ކުރި އާއްމު އިއުލާނެއްގައި ބުނެފައިވަނީ، އެކުންފުނިން މިއަދުން ފެށިގެން އެކުންފުނީގެ ކޮމްޕްލެކްސްތަކުންނާއި ބޯޓުފަހަރުތަކުން ޑީސަލް ވިއްކާ އަގުތަކަށް ބަދަލު ގެނެސްފައިވާކަމަށެވެ.
އެގޮތުން މިފްކޯއަށް މިސްކުރާ ހުރިހާ ފަރާތްތަކަށް ޑީސަލް ލީޓަރެއް 27.24 ރުފިޔާއަށް ވިއްކުމަށް ނިންމާފައިވާއިރު، އާއްމު ފަރާތްތަކަށް ޑީސަލް ލީޓަރެއް ވިއްކަމުންދާނީ 28.54 ރުފިޔާއަށް ކަމަށް މިފްކޯއިން ބުންޏެވެ.
މިފްކޯއިން ވިއްކާ ޑީސަލްގެ އަގަށް ބަދަލުގެނެސްފައިމިވަނީ މެދުއިރުމަތީގެ މަސްރަހުގައި މިހާރު ފަށާފައިވާ ހަނގުރާމައިގެ ސަބަބުން މުޅި ދުނިޔޭގައިވެސް ތެލުގެ އަގުތައް ބޮޑުވަމުންދާ ދަނޑިވަޅެއްގައިކަން ފާަހަގަކޮށްލެވެއެވެ. ދުނިޔޭގެ ބާޒާރުގައި ތެލުގެ އަގު ރެކޯޑް އަދަދަކަށް މައްޗަށް ގޮސްފައިވާއިރު، ރާއްޖޭގައިވެސް ތެލުގެ އަގުތައް ވަނީ މައްޗަށް ގޮސްފައެވެ. އަދި ދަތުރުފަތުރުގެ އަގުތައްވެސް ވަނީ އުފުލެން ފަށާފައެވެ.
Advertisement
This content is created and paid for by advertisers and does not involve Voice Journalists
