އިނގިރޭސި ޕްރިމިއާ ލީގްގައި ރޭ ބްރައިޓަން އަތުން ބަލިވެ، ލިވަޕޫލަށް އިތުރު ނުތަނަވަސްކަމާ ކުރިމަތިލާން ޖެހިއްޖެއެވެ.

ޕްރިމިއާ ލީގްގައި ބްރައިޓަން އާއި ލިވަޕޫލް ބައްދަލުކުރިމެޗުން، އެޓީމް ބަލިވީ، 2-1 ގެ ނަތީޖާއަކުންނެވެ. ބްރައިޓަންގެ ދަނޑުގައި ކުޅުނު މިމެޗުގައި އެންމެ ފުރަތަމަ ލަނޑެއް ޖަހައި ކުރި ހޯދާފައިވަނީވެސް ބްރައިޓަން އެވެ. އެއީ މެޗްގެ 14 ވަނަ މިނެޓް ތެރޭގައި ޑެނީ ވެލްބެކް ކާމިޔާބުކޮށްދިން ލަނޑުންނެވެ.

ވެލްބެކް ލަނޑެއް ޖަހާފައިވަނިކޮށް ލިވަޕޫލްގެ ކަރކޭޒް ވަނީ 30 ވަނަ މިނެޓް ތެރޭގައި ލަނޑެއް ޖަހައި މެޗްގެ ނަތީޖާ ހަމަހަމަކޮށްފައެވެ. މެޗުން ބްރައިޓަން މޮޅުކޮށްދިން ލަނޑު ވެލްބެކް ޖަހާފައިވަނީ، 56 ވަނަ މިނެޓް ތެރޭގައެވެ. މެޗްގައި ޖުމްލަ 11 ރީނދޫކާޑު ވަނީ ފެނިގެންގޮސްފައެވެ.

މެޗުން ލިވަޕޫލް ބަލިވުމާއެކު އަންނަ ސީޒަނުގެ ޗެމްޕިއަންސްލީގް ޖާގައެއް ހޯދުމަށް އެޓީމް ކުރަމުންގެންދާ މަސައްކަތްތަކަށް ވަނީ އިތުރު ހުރަސްތައް ކުރިމަތިވެފައެވެ. މިމެޗުން ތިން ޕޮއިންޓް ގެއްލުމުން އެޓީމް މިހާރު އޮތީ އެސްޓަންވިލާ ގެ ފަހަތުން ތާވަލްގެ ފަސް ވަނާގައެވެ.

ޕްރިމިއާ ލީގް ޕޮއިންޓް ތާވަލް

އިނގިރޭސި ޕްރިމިއާ ލީގްގައި ރޭ ކުޅުނު އެހެނިހެން މެޗްތަކުގެ ނަތީޖާތަކަށް ބަލާއިރު، ޗެލްސީ އާއި އެވަޓަން ބައްދަލުކުރިމެޗް 3-0 ގެ ނަތީޖާއަކުން ކާމިޔާބުކުރީ އެވަޓަން އެވެ. އަދި މެންޗެސްޓަރ ޔުނައިޓެޑާއި ބޯންމައުތު ބައްދަލުކުރިމެޗް 2-2 ގެ ނަތީޖާއަކުން އެއްވަރުވިއިރު، ފްލަމް އާއި ބާންލީ ބައްދަލުކުރިމެޗް 1-3 ގެ ނަތީޖާއަކުން ކާމިޔާބުކުރީ ފްލަމް އެވެ.