މާލޭ ސިޓީގެ ދަތުރުފަތުރުގެ ނިޒާމު ހަރުދަނާކޮށް، ޒަމާނީ ބަދަލުތަކެއް ގެނައުމަށް އެމް.ޓީ.ސީ.ސީއިން ފަށާ ޓެކްސީ ލައިން، މާލެ ޓެކްސީއަށް ބޭނުންވާ ކާރުތަކުގެ ތެރެއިން 2 ވަނަ ބެޗް އިއްޔެ މާލެ ގެނައިސްފިއެވެ.
އެ ގޮތުން، އަލަށް ގެނެސްފައިވަނީ ތިން މީހުންގެ ޖާގަ ހިމެނޭ "ޗަންގަން ލޫމިން" މޮޑެލްގެ ކޮމްޕެކްޓް ކާރުތަކެކެވެ.
މި އާ އުޅަނދުތަކަކީ މާލޭގެ ކުދި މަގުތަކާ ގުޅޭގޮތަށް ފަރުމާކޮށްފައިވާ، ދަތުރުފަތުރުގެ ފަސޭހަކަން އިތުރުކޮށްދޭނެ އުޅަނދުތަކެކެވެ. "ޗަންގަން ލޫމިން" އަކީ އޭގެ ސައިޒުގެ ގޮތުން މާލޭގެ ތޮއްޖެހިފައިވާ މަގުތަކުގައި ދުއްވުމަށް ވަރަށް އެކަށީގެންވާ އުޅަނދެކެވެ.
މާލޭ ޓެކްސީ ލައިންގެ އަމާޒަކީ ތިމާވެއްޓާ ރައްޓެހި އަދި ސްމާޓް ވަސީލަތްތައް ބޭނުންކޮށްގެން ރައްޔިތުންނަށް އިތުބާރު ހުރި ޚިދުމަތެއް ފޯރުކޮށްދިނުމެވެ. އަލަށް ތައާރަފުކުރި މި އުޅަނދުތަކާއެކު، މާލޭގެ އެއް ތަނުން އަނެއް ތަނަށް ދަތުރުކުރުމުގައި ރައްޔިތުންނަށް އިތުރު ލުއިފަސޭހަތަކެއް ލިބިގެންދާނެއެވެ.
މި އުޅަނދުތަކަކީ ޓެކްނޮލޮޖީގެ ގޮތުން ކުރިއަރާފައިވާ، ދުއްވާ ފަރާތަށާއި ދަތުރުކުރާ ފަރާތްތަކަށް ރައްކާތެރިކަން ކަށަވަރުކޮށްދޭ ފަދަ ސިފަތައް އެކުލެވޭ އުޅަނދުތަކެކެވެ. މީގެ ސަބަބުން މާލޭގެ ޓެކްސީގެ ޚިދުމަތުގެ ފެންވަރު މަތިވެ، ޒަމާނީ ދަތުރުފަތުރުގެ ނިޒާމަކަށް މަގުފަހިވާނެއެވެ.
މިއީ މާލޭގެ ދަތުރުފަތުރުގެ މައްސަލައަށް ދާއިމީ ހައްލެއް ހޯދުމަށް ކުރެވޭ މުހިންމު މަސައްކަތެއްކަން ސަރުކާރުން ބުނެއެވެ.
Advertisement
This content is created and paid for by advertisers and does not involve Voice Journalists
