ހއ. ދިއްދޫގައި އަލަށް ބިނާކުރާ ދަރިވަރުންގެ ދަނާލު އިމާރާތް ކުރުމުގެ އަމަލީ މަސައްކަތް ފެށުމަށްޓަކައި، އެ މަސައްކަތުގެ އެއްބަސްވުމުގައި މިއަދު ސޮއިކޮށްފިއެވެ.
މި މަޝްރޫޢަކީ ދިއްދޫގައި ތައުލީމު ހާސިލުކުރަމުންދާ ދަރިވަރުންނަށް ކުރިމަތިވެފައިވާ ބޯހިޔާވަހިކަމުގެ ދަތިތަކަށް ހައްލެއް ހޯދައިދިނުމުގެ މަގުސަދުގައި ސަރުކާރުން ކުރިއަށްގެންދާ މަޝްރޫޢެކެވެ.
މި މަސައްކަތް ހަވާލުކޮށްފައިވަނީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އާއެވެ.
ހަޔާ އެޑިޔުކޭޝަން މިނިސްޓްރީން މައުލޫމާތު ދޭގޮތުން މި މަޝްރޫޢުގެ ދަށުން ތަރައްޤީކުރާ ދަނާލަކީ ޖުމްލަ 32 ކޮޓަރީގެ މައްޗަށް އެކުލެވޭ އިމާރާތެކެވެ. މީގެ އިތުރުން، ދަރިވަރުންނަށް ބޭނުންވާނެ އެންމެހައި ޒަމާނީ ވަޞީލަތްތަކާއި ޚިދުމަތްތައް ހިމެނޭގޮތަށް މި ތަން ވަނީ ފަރުމާކުރެވިފައެވެ.
މިއަދު ބޭއްވި ސޮއިކުރުމުގެ ރަސްމިއްޔާތުގައި ދިއްދޫ ދާއިރާގެ މެންބަރު ޢަބްދުލްލަޠީފް މުޙައްމަދު ބައިވެރިވެވަޑައިގެންނެވިއެވެ.
Advertisement
This content is created and paid for by advertisers and does not involve Voice Journalists
