މާލެސިޓީގެ ދަތުރުފަތުރުގެ ނިޒާމް ހަރުދަނާކޮށް ރައްޔިތުންނަށް ފަސޭހަ ގޮތެއްގައި އެ ހިދުމަތްދިނުމުގެ ގޮތުން ސަރުކާރުން ފަށާ، މާލޭ ޓެކްސީ ލައިނުގެ ހިދުމަތް ފަށައިފިއެވެ.
މި ހިދުމަތް ފަށާފައިވަނީ އެކަމަށްޓަކައި ހުޅުމާލޭ ސެންޓްރަލް ޕާކްގައި ބޭއްވި ރަސްމިއްޔާތެއްގައި ރައީސުލްޖުމްހޫރިއްޔާ ޑރ.މުހައްމަދު މުއިއްޒެވެ. މި ރަސްމިއްޔާތުގައި މާލޭ ޓެކްސީ ލައިނުގެ ހިދުމަތްދޭ އެމްޓީސީސީގެ ވެރިންނާއި، ދަތުރުފަތުރާ ބެހޭ ވަޒީރާއި ކަމާބެހޭ ސަރުކާރުގެ އިސްވެރިން ބައިވެރިވެ ވަޑައިގެންނެވިއެވެ.
މާލޭ ޓެކްސީލައިންގެ ހިދުމަތް ތައާރަފްކުރުމަށް ބޭއްވި ރަސްމިއްޔާތުގެ ތެރެއިން... ފޮޓޯ: ރައީސް އޮފިސް
މާލޭ ޓެކްސީ ލައިނުގެ ހިދުމަތް ފެށުމުގެ ރަސްމިއްޔާތުގައި ވާހަކަދައްކަވަމުން އެމްޓީސީސީގެ މެނޭޖިންގ ޑިރެކްޓަރ ޑީސީޕީ (ރިޓަޔާރޑް) އަހްމަދު ސައުދީ ވިދާޅުވީ ޓެކްސީގެ ހިދުމަތް ފަށަނީ 150 ކާރާއެކު ކަމަށާއި، މި ހިދުމަތް ދޭން ތިބޭނީ މުޅިންވެސް ދިވެހިން ކަމަށެވެ. އޭނާ ވިދާޅުވީ، އެމްޓީސީސީން އޮޕަރޭޓްކުރާ މި ހިދުމަތުގައި ބޭނުންކުރަނީ ތިމާވެއްޓާ ރައްޓެހި ކާރުކަމަށެވެ.
ރައްޔިތުންނަށް ވީހާވެސް ފަސޭހަގޮތެއްގައި ދިނުމުގެ ގޮތުން އެމްޓީސީސީން މި ހިދުމަތްދެނީ އެޕްލިކޭޝަން ބޭނުންކޮށްގެން ދަތުރު ނެގޭ ގޮތަށެވެ. ސައުދީ ވިދާޅުވީ މާލޭ ޓެކްސީ ލައިން ހިދުމަތާއެކު ރައްޔިތުންނަށް ވަރަށްބޮޑު ލުއިފަސޭހަކަމެއް ލިބިގެންދާނޭކަމަށެވެ.
މާލޭ ތެކްސީ ލައިން ފްލީޓް... ފޮޓޯ: އެމްޓީސީސީ
އެމްޓިސީސީން މި ހިދުމަތުގައި ބޭނުންކުރާ ކާރުތަކަކީ، މާލޭގެ ކުދި މަގުތަކާ ގުޅޭގޮތަށް ފަރުމާކޮށްފައިވާ، ދަތުރުފަތުރުގެ ފަސޭހަކަން އިތުރުކޮށްދޭނެ އުޅަނދުތަކެކެވެ.
'މާލެ ޓެކްސީ'ގެ ހޮޓްލައިން އަކީ 1655 އެވެ. މި ހިދުމަތަކީ މާލޭގައި ޓެކްސީތައް ހޯދުމުގައި ރައްޔިތުންނަށް ދިމާވާ ގޮންޖެހުންތަކަށް ހައްލެއް ގެނައުމުގެ ގޮތުން ސަރުކާރުން ތައާރަފްކުރުމަށް ނިންމި ހިދުމަތެކެވެ.
Advertisement
This content is created and paid for by advertisers and does not involve Voice Journalists
