މިއަދު ކުރިއަށްދާ ލޯކަލް ކައުންސިލްތަކުގެ އިންތިހާބާއި އަންހެނުންގެ ތަރައްގީއަށް މަސައްކަތްކުރާ ކޮމެޓީތަކުގެ އިންތިހާބާއި ރައްޔިތުންގެ ފެންނަ ނުފެންނަ ވޯޓްގެ ވޯޓުލުމުގެ ވަގުތު 5:00 އާ ހަމައަށް އިތުރުކޮށްފިއެވެ.
މީގެ ކުރިން ވޯޓު ފޮށިތައް ބަންދުކުރާ ގޮތަށް އޮތީ 4:00 ގައެވެ.
ނަމަވެސް އީސީން ދާދި ދެންމެއަކު ކުރި ޕޯސްޓެއްގައި ބުނީ، ހޫނުގަދަވުމާއި، ވޯޓު ކިޔު ކިޔު ދިގުވުމުގެ ސަބަބުން ގިނަބަޔަކަށް ވޯޓުލުމަށް ދަތިވެފައިވާތީ، ހަވީރު 5:00އާަ ހަމައަށް ވޯޓުލުމުގެ ވަގުތު އިތުުރު ކޮށްފައިވާ ކަމަށެވެ.
އީސީން އާއްމުކޮށްފައިވާ އެންމެ ފަހުގެ މައުލޫމާތައް ބަލާއިރު، މިއަދު 2 ޖެހުމާ ހަމައަށް 131،947 މީހުން ވޯޓުލާފައި ވެއެވެ. އެއީ 63،175 އަންހެނުންނާއި 68،772 ފިރިހެނުންނެވެ.
މިއީ ވޯޓުލީ މީހުންގެ %44.75 މީހުންނެވެ. ވޯޓު ނުލާ ތިބި މީހުންގެ އަދަދު 162،929 އަށް އަރައެވެ.
Advertisement
This content is created and paid for by advertisers and does not involve Voice Journalists
