ލޯކަލް ކައުންސިލް އާއި އަންހެނުންގެ ތަރައްޤީއަށް މަސައްކަތް ކުރާ ކޮމީޓީގެ އިންތިޙާބުގައި އެމްޑީޕީއަށް ލިބުނު ކާމިޔާބީ ފާހަގަކުރުން މިރޭ އާޓިފިޝަލް ބީޗުގައި ޖަލްސާއެއް ބާއްވަން އެޕާޓީން ނިންމައިފިއެވެ.
މި ހަފްލާ އޮންނާނީ މިރޭ 8:30 ގައެވެ.
އެމްޑީޕީން ވަނީ މި ޖަލްސާއަށް ދިވެހި ހުރިހާ ރައްޔިތުންނަށް ދަޢުވަތުދީފައެވެ.
އިއްޔެ ބޭއްވި އިންތިހާބުގައި އެމްޑީޕީއަށް ލިބުނު އެންމެ ފާހަގަކޮށްލެވޭ ކާމިޔާބީއަކީ ހުރިހާ ސިޓީތަކެއްގެ މޭޔަރުގެ ގޮނޑި އެޕާޓީން ކާމިޔާބުކުރުމެވެ. އެމްޑީޕީން ވަނީ ވަރަށް ފުރިހަމަ އަގްލަބިއްޔަތަކުން މޭޔަރު ގޮނޑި ކާމިޔާބުކޮށްފައެވެ.
މީގެ އިތުރުން ރިފަރަންޑަމް ވޯޓުގެ ނަތީޖާވެސް ނިކުމެފައިވަނީ އެމްޑީޕީން ވަކާލާތުކުރި ކޮޅަށެވެ. ސަރުކާރުން ހުށަހެޅީ ރައްޔިތުންގެ މަޖިލީހުގެ އިންތިހާބާއި، ރިޔާސީ އިންތިހާބު އެއްދުވަހެއްގައި ބޭއްވުމަށެވެ. ނަމަވެސް އެމްޑީޕީން އެކަމަށް ވަނީ ނޫނެކޭ ބުނެފައެވެ.
އިއްޔެ ބޭއްވި އިންތިހާބުގައި އެމްޑީޕީން ވަނީ ގިނަ އަދަދެއްގެ ކައުންސިލް ގޮނޑިތައްވެސް ނަގާފައެވެ. އެމްޑީޕީން ބުނީ ދައުލަތުގެ ހުރިހާ ވަސީލަތެއް ސަރުކާރު ހިންގާ ޕާޓީން ބޭނުންކުރި އިންތިހާބުން އެމްޑީޕީއަށް ލިބުނީ ފުރިހަމަ ކާމިޔާބީއެއްކަމަށެވެ.
Advertisement
This content is created and paid for by advertisers and does not involve Voice Journalists
