އިނގިރޭސި ޕްރިމިއާ ލީގްގައި ރޭ ވެސްޓްހޭމް ޔުނައިޓެޑާއި ވުލްވްސް ބައްދަލުކުރިމެޗް ވެސްޓްހޭމް ކާމިޔާބުކޮށް ރެލިގޭޝަން ޒޯނާ ދުރަށް ޖެހިލައިފިއެވެ.

ވެސްޓްހޭމްގެ ދަނޑުގައި ކުޅުނު މިމެޗް، ވުލްވްސްގެ މައްޗަށް އެޓީމް ކުރިހޯދީ 0-4 ގެ ނަތީޖާއަކުންނެވެ. މެޗްގައި ވެސްޓްހޭމްގެ ފަރާތުން ފެނިގެންދިޔަ ހަތަރު ލަނޑުގެ ތެރެއިން ގިނަ ލަނޑުތައް ފެނިގެންގޮސްފައިވަނީ ފަހު ހާފްގައެވެ. ވެސްޓްހޭމްއަށް ގޯލް ހުޅުވާލަދިނީ 42 ވަނަ މިނެޓް ތެރޭގައި ތަޖުރިބާކާރު ކުޅުންތެރިޔާ މަވްރޮޕަނޮސް އެވެ.

މެޗްގައި ދެން ވެސްތްހޭމްގެ ތިން ލަނޑުވެސް ފެނިގެންގޮސްފައިވަނީ ފަހު ހާފްގައެވެ. އެގޮތުން ދެވަނަ ލަނޑު 66 ވަނަ މިނެޓް ތެރޭގައި  ކަސްޓެޔަނޯސް ކާމިޔާބުކޮށްދިން އިރު، އޭގެ އިރުކޮޅެއްފަހުން އޭނާ ވަނީ އިތުރު ލަނޑެއް ޖަހައި މެޗްގެ ނަތީޖާ 3-0 އަށް ބަދަލުކޮށްފައެވެ.

މެޗްގެ އެންމެފަހު ލަނޑު ޖަހައިދިނީ ފުރަތަމަ ލަނޑު ޖަހައިދިން މަވްރޮޕަނޮސް އެވެ. މެޗްގައި ވުލްވްސްއަށް ލަނޑެއް ނުޖެހުނު ނަމަވެސް އެޓީމުންވެސް ވަނީ ވެސްޓްހޭމްގެ ޑިފެންސްއަށް އުނދަގޫކޮށްފައެވެ.

މެޗުން ވެސްޓްހޭމް މޮޅުވުމުން ލިބުނު ތިން ޕޮއިންޓާއެކު އެޓީމް ވަނީ، ތާވަލްގެ 17 ވަނަ އަށް ޖެހިލާފައެވެ. އެޓީމް މިވަގުތު އޮތީ ސްޕާސްއަށްވުރެވެސް ކުރީގައެވެ.

ޕްރިމިއާ ލީގް ތާވަލް

އިނގިރޭސި ޕްރިމިއާ ލީގްގައި މިއަދުވެސް ވަރަށް މުހިންމު މެޗްތަކެއް ކުޅުމަށް ވަނީ ތާވަލްކޮށްފައެވެ. އޭގެ ތެރޭގައި އާސެނަލް އާއި ބޯން މައުތު ބައްދަލުކުރާ މެޗާއި، ލިވަޕޫލާ ފުލަމް ބައްދަލުކުރާ މެޗް ފާހަގަކޮށްލެވެއެވެ. މީގެ ތެރެއިން އާސެނަލް ކުޅޭ މެޗުން އެޓީމް ތިން ޕޮއިންޓް ހޯދައިފިނަމަ، ޕްރިމިއާ ލީގް ހޯދުމަށް އެޓީމް ކުރާ މަސައްކަތްތަކަށް ވަރަށްބޮޑު ފަސޭހަކަމެއ ްލިބިގެންދާނެއވެެ.