އިދިކޮޅު އެންމެބޮޑު ޕާޓީ، އެމްޑީޕީގެ ހިންގުމުގެ ކަންކަން އެ ޕާޓީއަށް ނިސްބަތްވާ ފަސް މެމްބަރުން ހިމެނޭ ކޮމިޓީއަކާ ހަވާލުކުރުމަށް އެއްބަސްވެއްޖެއެވެ.

އެމްޑީޕީން ވަނީ މިކަން މިގޮތަށް ކުރުމަށް ނިންމައި ޤައުމީ މަޖިލީހަށް ހުށަހެޅުމަށް ނިންމާފައެވެ. މި މުއާމަލާތްތަކުގެ އެންމެ ފާހަގަކޮށްލެވޭ ކަމަކަށް ހިނގާފައިވަނީ އެމްޑީޕީގެ ޤައުމީ މަޖިލީހުގެ މެމްބަރުކަން ދާއިމީކޮށް ރައީސް ނަޝީދުއަށް ދިނުމަށް ނިންމުމެވެ. ވޮއިސްއަށް މައުލޫމާތު ލިބިފައިވާ ގޮތުގައި މިކަންކަން ފާސްކޮށް ގޮތެއް ނިންމާނީ މިރޭ ބޭއްވުމަށް ނިންމާފައިވާ އެމްޑީޕީގެ ޤައުމީ މަޖިލީހުގެ ޖަލްސާގެ ތެރެއިންނެވެ.

އެމްޑީޕީ ހިންގުމަށް ނަގާ ވަގުތީ ކޮމިޓީގައި ހިމެނި ވަޑައިގަންނަވާ ފަސް ލީޑަރުންގެ ތެރޭގައި ހިމެނެނީ، ރައީސް އިބްރާހިމް މުހައްމަދު ސޯލިހް، ފައްޔާޒް އިސްމާއީލް، ރައީސް ނަޝިދު، އެމްޑީޕީގެ ވަގުތީ ޗެއާޕާސަން އަބްދުލްގަފުރު މޫސާ، އަދި އެމްޑީޕީގެ މިހާރުގެ ރައީސް ޢަބްދުﷲ ޝާހިދެވެ.

އެމްޑީޕީ ހިންގުމަށް ވަގުތީ ކޮމިޓީއަކަށް މި ފަސް ލީޑަރުން ނެގުމުގެ މައިގަނޑު ސަބަބަކީ ޗެއާޕާސަނެއް އިންތިހާބުކުރެވެންދެންކަމަށް ވަނީ މައުލޫމާތު ލިބިފައެވެ.

އެމްޑީޕީ ހިންގުމަށް ފަސް ލީޑަރުންގެ ކޮމިޓީއެއް އެކުލަވާލުމުގެ މަސައްކަތް ފަށާފައިމިވަނި އެޕާޓީގެ އެތެރޭގައި ހިޔާލްތަފާތުވުންތަކެއް އުފެދިފައި ވަނިކޮށެވެ.

ނިމިގެންދިޔަ އިންތިހާބަށްފަހު އެމްޑީޕީ ތެރޭގައި އުފެދުނު ނުތަނަވަސްކަން މިހާރު ހައްލުވެފައިވާކަމަށް ރައީސް ސޯލިހް ވަނީ ވިދާޅުވެފައެވެ. އެމްޑީޕީގެ އެތެރޭގެ ހިޔާލްތަފާތުވުމެއް އުފެދުނީ އިންތިހާބުގެ ކާމިޔާބީ ފާހަގަކުރުމަށް ބޭއްވުނު ޖަލްސާގައި ރައީސް ނަޝީދަށް ވާހަކަދެއްކުމުގެ ފުރުސަތު މިހާރުގެ ޗެއާޕާސަނަށް ތާއިދުކުރާ ފަރާތްތަކުން ނުދިން މައްސަލާގައެވެ.