ޗެއާޕާސަނެއް އިންތިހާބު ކުރެވެންދެން އެމްޑީޕީ ހިންގުން ހަ ބޭފުޅުންގެ ކޮމެޓީއަކަަށް
އިދިކޮޅު އެންމެބޮޑު ޕާޓީ، އެމްޑީޕީގެ ހިންގުމުގެ ކަންކަން ހަ މެމްބަރުން ހިމެނޭ ކޮމިޓީއަކާ ހަވާލުކުރުމަށް ނިންމައިފި އެވެ.
އެ ނިންމުން ނިންމީ މިރޭ އޮތް އެމްޑީޕީގެ ގައުމީ މަޖިލީހުގެ ޖަލްސާގަ އެވެ. މިރޭގެ ޖަލްސާގައި އެ ގޮތަށް ހުށައެޅުމުން 61 މެންބަރުން ވޯޓް ދެއްވި އެވެ.
އެމްޑީޕީ ހިންގުމަށް ނެގި ވަގުތީ ކޮމިޓީގައި ހިމެނި ވަޑައިގަންނަވާ ފަސް ލީޑަރުންގެ ތެރޭގައި ހިމެނެނީ، ރައީސް އިބްރާހިމް މުހައްމަދު ސޯލިހް، ފައްޔާޒް އިސްމާއީލް، ރައީސް ނަޝީދު، އެމްޑީޕީގެ ވަގުތީ ޗެއާޕާސަން އަބްދުލްގަފުރު މޫސާ، އަދި އެމްޑީޕީގެ މިހާރުގެ ރައީސް ޢަބްދުﷲ ޝާހިދާއި ޕީޖީ ލީޑަރު ނާޒިލް އެވެ.
މި ކޮމެޓީ ދެމި އޮންނާނީ އައު ޗެއަރޕާސަން އިންތިހާބު ކޮށް ނިމެންދެނެވެެ.
އެމްޑީޕީ ހިންގުމަށް ފަސް ލީޑަރުންގެ ކޮމިޓީއެއް އެކުލަވާލުމުގެ މަސައްކަތް ފަށާފައިމިވަނި އެޕާޓީގެ އެތެރޭގައި ހިޔާލްތަފާތުވުންތަކެއް އުފެދިފައި ވަނިކޮށެވެ.
ނިމިގެންދިޔަ އިންތިހާބަށްފަހު އެމްޑީޕީ ތެރޭގައި އުފެދުނު ނުތަނަވަސްކަން މިހާރު ހައްލުވެފައިވާކަމަށް ރައީސް ސޯލިހް ވަނީ ވިދާޅުވެފައެވެ. އެމްޑީޕީގެ އެތެރޭގެ ހިޔާލްތަފާތުވުމެއް އުފެދުނީ އިންތިހާބުގެ ކާމިޔާބީ ފާހަގަކުރުމަށް ބޭއްވުނު ޖަލްސާގައި ރައީސް ނަޝީދަށް ވާހަކަދެއްކުމުގެ ފުރުސަތު މިހާރުގެ ޗެއާޕާސަނަށް ތާއިދުކުރާ ފަރާތްތަކުން ނުދިން މައްސަލާގައެވެ.
Advertisement
This content is created and paid for by advertisers and does not involve Voice Journalists
