ލަންކާގައި ނުގެނެވިހުރި 2,500 ކޮންޓެއިނާ ރާއްޖެ ގެނެސްފައިވާ ކަަމަށާ ކުރިއަށް އޮތް ހަފްތާތަކުގައި އިތުރު ކޮންޓެއިނާތައް ވެސް ރާއްޖެ ގެނެވޭނެ ކަމަށް އިކޮނޮމިކް މިނިސްޓަރު މުޙައްމަދު ސަޢީދު ވިދާޅުވެއްޖެ އެވެ.
މެދުއިރުމަތީގެ ހަނގުރާމައާ ގުޅިގެން ރާއްޖެއަށް ކުރަމުންދާ އަސަރުތައް ކުޑަކުރުމަށް ކުރަމުންގެންދާ މަސައްކަތްތަކާ ބެހޭގޮތުން ނޫސްވެރިންނަށް މައުލޫމާތު ދެއްވަމުން މިނިސްޓަރު ސައީދު ވިދާޅުވީ ލަންކާގެ ޕޯޓްގައި 4,242 ކޮންޓެއިނަރު ނުގެނެވި ހުރުމުން ކަމާގުޅޭ އިދާރާތަކާއި މަޝްވަރާކޮށް އެކަން ހައްލުކުރުމުގެ މަސައްކަތް ފެށި ކަަމަށެވެ.
އަދި މިހާތަނަށް ކުރެވުނު މަަސައްކަތުން މިހާރު ނުގެނެވި ހުރީ 1,741 ކޮންޓެއިނަރު ކަމަށެވެ. އަދި 1،741 ކޮންޓެއިނަރު ގެނެވިފައިވާ ކަަމަށް ވިދާޅުވި އެވެ. އެއީ ލަންކާގެ ކަމާގުޅޭ އިދާރާތަކާއި އެމްޕީއެލްއާ އެސްޓީއޯ އަދި އެމްއެސްއެމް ގުޅިގެން ކުރި މަސައްކަތުގެ ނަތީޖާ ކަމުގައި މިނިސްޓަރު ވިދާޅުވި އެވެ.
މިނިސްޓަރު ވިދާޅުވީ މިހާރުވެސް 1,200 ކޮންޓެއިނަރުގެ މުދާ ހިފައިގެން އައިސް އޮތް ބޯޓެއް ބަނދަރު ކޮށްފައިވާ ކަމަށެވެ. އަދި ކުރިއަށް އޮތް ހަފްތާގައި 1,500 ވުރެ ގިނަ ކޮންޓެއިނަރުގެ މުދާ ގެނައުމަށް ޝެޑިއުލް ކުރެވިފައިވާ ކަމަށެވެ.
މީގެ އިތުރުން ލަންކާގެ ޕޯޓްގައިވާ އަމިއްލަ ވިޔަފާރިވެރީންގެ މުދާތައް އަވަހަށް ގެނައުމަށް ގުޅޭގޮތުން ވިޔަފާރިވެރީންނާއެކު މަޝްވަރާ ކޮށްފައިވާ ކަމަށް މިނިސްޓަރު ވިދާޅުވި އެވެ. އެގޮތުން މޭވާއާ ތަރުކާރީއާ އެ ނޫން އަސާސީ ބާވަތްތައް ގެނައުމާއި ގުޅޭގޮތުން މަޝްވަރާ ކުރެވިފައިވާ ކަމަށް ވިދާޅުވި އެވެ.
Advertisement
This content is created and paid for by advertisers and does not involve Voice Journalists
