ކަރަންޓް ބިލަށް އެއްވެސް އުނި އިތުރުކަމެއް ނުގެންނަން ކަމަށާ ނަކައިން ތައްޔާރުކޮށްފައިވާ އެއްވެސް ބިލެއްގައި މައްސަލައެއް އުޅޭކަމަށް ޝައްކު ކުރެވިގެން ރީޑިން އިތުރަށް ޗެކްކުރަން ބޭނުންވާނަމަ އެހީތެރިކަން ފޯރުކޮށްދޭނެ ކަމަށް އެ ކުންފުނިން ބުނެފި އެވެ.
ފެނަކައިން މިހެން ބުނީ މި މަހު ފޮނުވި ނިމިދިޔަ މަހުގެ ކަރަންޓް ބިލް ދެގުނަ ބޮޑުކަން ފާހަގަކޮށް އާންމުންގެ ގިނަ ބަޔަކު ކަންބޮޑުވުން ފާޅުކުރަމުންދަނިކޮށެވެ. ފެނަކައިގެ އިތުރުން ސްޓެލްކޯއިން ފޮނުވި ބިލް ވެސް ބޮޑުކަން އާންމުން ފާހަގަ ކުރެ އެވެ.
ރާއްޖޭގެ ގިނަ ރަށްތަކެއްގައި ފެނާއި ކަރަންޓްގެ ހިދުމަތްދޭ ކުންފުނިން ބުނީ މާރިޗު މަހުގެ ރީޑިން ނެގުމުގަ އާއި ކަރަންޓު ބިލު ތައްޔާރު ކުރުމުގައި އެ ކުންފުނިން އަމަލު ކޮށްފައިވާނީ އެހެން މަސްމަހުގައި ވެސް އަމަލު ކުރަމުންދާ އުސޫލުން ކަމަށެވެ. އެކަމުގެ ޔަގީންކަންދޭ ކަމަށް ވެސްް ބުންޏެވެ. އަދި އެ އުސޫލުވެސް ސާފުކޮށްދީފައިވެ އެވެ.
އެގޮތުން ފެނަކައިން އަމަލުކުރަމުންދާ އުސޫލަކީ، ގާނޫނާއި ގަވައިދުތަކުން ކަނޑައެޅި އާންމު ކުރެވިފައިވާ އުސޫލު ކަމަށާއި އެ އުސޫލާއި ހިލާފަށް އެ ކުންފުނިން ހިދުމަތް ދެމުންދާ އެއްވެސް ފަރާތެއްގެ ބިލެއް ތައްޔާރުކޮށްފައިނުވާނެ ކަމަށެވެ. އަދި އެއްވެސް ބިލަކަށް އުނި އިތުރުކަމެއް ގެނެސްފައި ނުވާނެ ކަމުގައި ބުންޏެވެ.
އެ ކުންފުނިން ތައްޔާރު ކޮށްފައިވާ އެއްވެސް ބިލެއްގައި މައްސަލައެއް އުޅޭކަމަށް ޝައްކު ކުރެވިގެން ރީޑިން އިތުރަށް ޗެކްކުރަން ބޭނުންނަމަ އެކަމުގައި އެހީތެރިކަންދޭނެ ކަމަށްވެސް ފެނަކައިން ވަނީ ބުނެފަ އެވެ.
ފެނަކައިން ވަނީ ކޮންމެ އަހަރެއްގެ މާރިޗު މަހާއި އޭޕްރިލް އަދި މެއި މަހަކީ ރާއްޖެއަށް އެންމް ހޫނުގަދަ ދުވަސްތައްކަމުން އެ މަސްތަކުގައި ކަރަންޓު ބޭނުން ކުރެވޭ މިންވަރު އިތުރުވާކަން ފާހަގަކޮށް ކަރަންޓު ބޭނުން ކުރުމުގައި ސަމާލުވުމަށް އިލްތިމާސް ކޮށްފަ އެވެ.
Advertisement
This content is created and paid for by advertisers and does not involve Voice Journalists
