ރަޝިއާއަށް ވަޑައިގެން އުޚުއްވާ އީރާނުގެ ހާރިޖީ ވަޒީރު އައްބާސް އަރާގްޗީ މިއަދު ރަޝިއާގެ ރައީސް ޕުޓިން އާއެކު ބާއްވަވާ ބައްދަލުވުމުގައި މުހިންމު ކަންކަމާ ގުޅޭގޮތުން މަސްވަރާ ކުރެވިގެންދާނޭކަމަށް އަރާގްޗީ ވިދާޅުވެއްޖެއެވެ.

މީޑިއާ އާ ވާހަކަދައްކަވަމުން އަރާގްޗީ ވިދާޅުވީ އޭނާ ރަޝިއާއަށް ވަޑައިގެންނެވި މި ދަތުރަކީ، ސަރަހައްދީ އަދި ބައިނަލްއަގުވާމީ މައްސަލަތަކުގައި ތެހެރާނާއި މޮސްކޯއާ ދެމެދު އޮންނަ ގާތް މަޝްވަރާތައް މެދުނުކެނޑި ކުރިއަށް ގެންދިއުމުގެ މަގްސަދުގައި ކުރައްވާ ދަތުރުފުޅެއް ކަމަށެވެ. އީރާނުގެ މީޑިއާތަކާ ވާހަކަދައްކަވަމުން އަރާގްޗީ ވިދާޅުވީ، ރަޝިއާގެ ރައީސް އާއެކު ބާއްވާ ބައްދަލުވުމުގައި ހަނގުރާމައިގެ އެންމެ ފަހުގެ ހާލަތާއި ކުރިއެރުންތަކާ ގުޅޭގޮތުން ވާހަކަދެއްކުމަށް ހަމަޖެހިފައިވާކަމަށެވެ. 

އިރާނުގެ ޚާރިޖީ ވަޒީރު މިހާރު ހުންނެވީ، ރަޝިޔާގެ ރައީސް ލަޑިމިއަރ ޕޫޓިން ހިމެނޭހެން އެ ގައުމުގެ އިސް އޮފިޝަލުންނާ ބައްދަލުކުރެއްވުމަށް ސެއިންޓް ޕީޓަސްބާގްގައެވެ.

އަރާގްޗީ ވިދާޅުވީ، ދެ ގައުމުގެ މެދުގައި ކުރެވޭ މަޝްވަރާތަކާއި ގުޅިގެން ކުރެވޭ މަސައްކަތްތަކަކީ ވަރަށް ބޮޑު އަހަންމިއްޔަތެއް ދެވޭނެ ކަންތައްތަކެއް ކަމަށް ޔަގީންކުރައްވާ ކަމަށެވެ.