ކުޑަކަމުދާ ނިޒާމާއި ގޮހޮރުގެ މައްސަލަތަކަށް ޚާއްޞަ އުފެއްދުންތައް އުފައްދާ ދުނިޔޭގެ މަޝްހޫރު ބްރޭންޑެއް ކަމަށްވާ "ޓެނާ" ގެ އިންކޮންޓިނެންސް ކެއަރ ޕްރޮޑަކްޓް ރޭންޖުގެ އުފެއްދުންތައް އޭޑީކޭ ޖެނެރަލް ޓްރޭޑިންގް (އޭޑީކޭ ޖީޓީ) އިން ރާއްޖެއަށް ތަޢާރަފުކޮށްފިއެވެ.

މިދިޔަ ބުދަ ދުވަހުގެ ރޭ މާލޭގެ ހޮޓެލް ޖެންގެ ބޯލްރޫމުގައި ބޭއްވި ޚާއްޞަ ރަސްމިއްޔާތެއްގައި، ޑޮކްޓަރުންނާއި ޞިއްޙީ ދާއިރާގެ ފަންނީ ބޭފުޅުންނާއި މީޑިއާގެ ބައިވެރިންނާއެކު ބޭއްވި ރަސްމިއްޔާތެއްގައި މި އުފެއްދުންތައް ދައްކާލީ ޓެނާ ބްރޭންޑުގެ ޕްރޮޑަކްޓް ސްޕެޝަލިސްޓެވެ. ޕްރެޒެންޓޭޝަންގައި ކްލިނިކަލް ދިރާސާތަކާއި، ބަލިމީހުންގެ ތަފާތު ޙާލަތްތަކަށް ރިޢާޔަތްކޮށް ފަރުމާކޮށްފައިވާ ބާވަތްތަކާއި، ބޭނުންކުރާނެ ގޮތުގެ މަޢުލޫމާތު އޭޑީކޭއިން ހިއްސާކުރިއެވެ.

ޓެނާ އަކީ 60 އަހަރަށް ވުރެ ގިނަ ދުވަހުގެ ތަޖުރިބާއާ އެކު، ދުނިޔޭގެ 120 އަށް ވުރެ ގިނަ ޤައުމުގައި ޚިދުމަތް ދެމުން އަންނަ ބްރޭންޑެކެވެ. ކޮންމެ ދުވަހަކު އަށް މިލިއަނަށް ވުރެ ގިނަ ޓެނާ އުފެއްދުން ދުނިޔޭގެ އެކި ކަންކޮޅުތަކުގައި ބޭނުންކުރެވެއެވެ.

އޭޑީކޭ ޖީޓީ އިން ބުނީ، ޓެނާ ބްރޭންޑުގެ ބޮޑެތި މީހުންގެ ނެޕީ ރާއްޖެއަށް އެތެރެކޮށް ފޯރުކޮށްދޭތާ 10 އަހަރަށް ވުރެ ގިނަ ދުވަސްވެފައިވާ ކަމަށާއި، މިފަހަރު ތަޢާރަފުކުރީ އެ ބްރޭންޑުގެ ފުރިހަމަ އިންކޮންޓިނެންސް ކެއަރ ރޭންޖު ކަމަށެވެ. ޞިއްޙީ މަރުކަޒުތަކާއި ޑޮކްޓަރުންނާ ގުޅިގެން، މި ދާއިރާގެ ޢިލްމީ މަޢުލޫމާތު ފެތުރުމާއި ރާއްޖޭގެ ހުރިހާ ސަރަޙައްދަކަށް އުފެއްދުންތައް ފޯރުކޮށްދިނުމަށް ރާވާފައިވާ ކަމަށް ވެސް އެ ކުންފުނިން ބުންޏެވެ.

"ކޮންޓިނެންސް ކެއަރއަކީ ހަމައެކަނި ބޭނުންކުރާ ވަސީލަތެއް ނޫނެވެ. މިއީ އިންސާނާގެ ކަރާމާތާއި، ހިތްހަމަޖެހުމާއި، ދިރިއުޅުމުގެ ފެންވަރާ ގުޅިފައިވާ ކަމެކެވެ" ކަމަށް ފެށުމުގެ ތަޤުރީރުގައި އޭޑީކޭ ޖީޓީން ފާހަގަކުރިއެވެ.

ދުނިޔޭގެ ނިސްބަތަށް ބަލާއިރު، 35 އަހަރުން މަތީގެ ކޮންމެ ތިން އަންހެނަކުން އެކަކީ ކުޑަކަމުދާ ނިޒާމާ ގުޅުންހުރި ކޮންމެވެސް މައްސަލައެއް ހުންނަ މީހެކެވެ. ނަމަވެސް ގިނަ ބަޔަކު މިކަމާ މެދު ވާހަކަ ދެއްކުމަށް ލަދުގަނެ، ޚާއްޞަ ވަސީލަތް ބޭނުންކުރަނީ ވަރަށް މަދު ބައެކެވެ.

ޓެނާ އިންކޮންޓިނެންސް ރޭންޖުގެ އުފެއްދުންތައް މިހާރު އޭޑީކޭ ޖީޓީގެ އައުޓްލެޓްތަކާއި ޕާޓްނަރުންގެ ފިހާރަތަކާއި އޭޑީކޭ ފާމަސީތަކުން ލިބެން ހުންނާނެއެވެ.