އަދަދު ނޫހުގެ ސީއީއޯ ހުސައިން ފިޔާޒް މޫސާގެ ޕާސްޕޯޓް ހިފަހައްޓައިފި އެވެ.
ފިޔާޒްގެ ޕާސްޕޯޓް ހިފެހެއްޓުމުގެ އަމުރު ނެރުނީ މިރޭގެ ވަގުތެއްގަ އެވެ. ކޯޓުން އެ އަމުރު ނެރުނުއިރު ބަލާފާސް ކުރުމުގެ އަމުރެއް ހޯދައިގެން ފުލުހުން ގެންދިޔައީ އަދަދު ނޫސް ހިންގާ އޮފީސް އިމާރާތް ފާސްކުރަމުންނެވެ.
ފިޔާޒްގެ ޕާސްޕޯޓް ހިފެހެއްޓީ ތިން މަސް ދުވަހުގެ މުއްދަތަކަށެވެ. އެހެން ކަމުން ރާއްޖެއިން ބޭރަށް ފުރުން ޖުލައި 26 ގެ ނިޔަލަށް މަނާވާނެ އެވެ.
އަދަދުން، ރައީސުލްޖުމްހޫރިއްޔާއަށް ބޮޑެތި ތުހުމަތެއް ކޮށް ޑޮކިއުމަންޓްރީއެއް ހެދި މައްސަލާގައި އޭގައިވާ ހުރިހާ ވާހަކަތަކެއް ދޮގުކޮށް އެ ދޮގު ފެތުރި އެންމެންގެ މައްސަލަ ބަލައިދޭން އެދިވަޑައިގަންނަވާ ކަމަށް ރައީސުލްޖުމްހޫރިއްޔާ ޑރ. މުހައްމަދު މުޢިއްޒު މިއަދު ވަނީ ވިދާޅުވެފަ އެވެ.
ފުލުހުން މިރޭ ބުނީ ބަލަމުންދާ މައްސަލައަކާ ގުޅިގެން، އަދަދު ނޫހުގެ އޮފީސް ކޯޓު އަމުރެއްގެ ދަށުން ދަނީ ބަލައި ފާސް ކުރަމުންނެވެ. އިތުރު ތަފްސީލެއް ނުދެ އެވެ.
Advertisement
This content is created and paid for by advertisers and does not involve Voice Journalists
