ޅ. ނައިފަރު ބިން ހިއްކުމާއި ގިރާ ސަރަހައްދު ހިމާޔަތް ކުރުމުގެ މަޝްރޫޢުގެ މަސައްކަތް ނިމުމަކާ ގާތަަށއ ގޮސްފައިވާކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ހާމަކޮށްފިއެވެ.
މި މަޝްރޫޢުގެ މަސައްކަތް ކުރިއަށްދާ ގޮތް ބައްލަވާލެއްވުމަށްޓަކައި، އެމްޓީސީސީގެ ޑެޕިއުޓީ މެނޭޖިންގ ޑިރެކްޓަރ މުޙައްމަދު ޖަމްޝީދު ވަނީ ނައިފަރަށް ޒިޔާރަތް ކުރައްވާފައެވެ.
މި ދަތުރުފުޅުގައި ނައިފަރު ދާއިރާގެ ރައްޔިތުންގެ މަޖިލިސް މެންބަރު ޔާސީން ޢަބްދުالله ވެސް ބައިވެރިވެވަޑައިގެން، މަޝްރޫޢުގެ ތަފްސީލުތައް އޮޅުންފިލުއްވާފައިވާ ކަމަށް އެމްޓީސީސީން ބުނެއެވެ.
އެމްޓީސީސީން އެކްސްގައި ކުރި ޕޯސްޓެއްގައި ބުނެފައިވަނީ، ނައިފަރު ބިން ހިއްކުމުގެ މަސައްކަތުގެ 95 އިންސައްތަ މިހާރު ވަނީ މުޅިން ނިމިފައި ކަމަށެވެ.
މީގެ އިތުރުން، ރަށުގެ ގިރާ ސަރަހައްދު ހިމާޔަތް ކުރުމަށްޓަކައި ޖަހާ ރިވެޓްމަންޓްގެ މަސައްކަތަށް ބޭނުންވާ ބޮޑުގަލުގެ ޝިޕްމަންޓް މިހާރު ސައިޓަށް ގެންދެވިފައިވާއިރު މިހާރު ކުރިއަށްދަނީ ރިވެޓްމަންޓްގެ ހިލަ ޕްރޮފައިލް ކުރުމުގެ މަސައްކަތް ކަމަށެވެ.
މުޅި މަޝްރޫޢުގެ މަސައްކަތުގެ 70 އިންސައްތަ މިހާރު ނިމިފައިވާ އިރު، މަސައްކަތް ކުރިއަށްދަނީ ތާވަލު ކުރެވިފައިވާ މުއްދަތަށްވުރެ އަވަހަށް ކަމަށް އެ ކުންފުނިން ފާހަގަކުރެއެވެ.
Advertisement
This content is created and paid for by advertisers and does not involve Voice Journalists
