ދިރާގު އެމްއެންޔޫއެސްޔޫ ފުޓްސަލް ފިއެސްޓާ 2026 ގައި ރޭ ކުޅުނު މެޗުތަކުން އަހްމަދިއްޔާ އިންޓަނޭޝަނަލް ސްކޫލް އާއި މޯލްޑިވްސް ބިޒްނަސް ސްކޫލް ކުރި ހޯދައިފިއެވެ.

އަހްމަދިއްޔާއިން މޯލްޑިވްސް އިސްލާމިކް ޔުނިވަރސިޓީ އާއި ދެމެދު ކުޅުނު މެޗު އަހުމަދިއްޔާ ކާމިޔާބު ކުރީ 1-8 ގެ ނަތީޖާ އަކުންނެވެ. އަދި މޯލްޑިވްސް ބިޒްނަސް ސްކޫލުން މޯލްޑިވްސް އިންސްޓިޓިއުޓް އޮފް ޓެކްނޮލޮޖީ އާއި ދެކޮޅަށް ކުޅުނު މެޗު އެމްބީއެސް ކާމިޔާބުކުރީ، 2-15 ގެ ނަތީޖާ އަކުންނެވެ.

އަހްމަދިއްޔާ އާއި އިސްލާމިކް ޔުނިވަރސިޓީން ބައްދަލުކުރި މެޗުގައި އަހްމަދިއްޔާ އަށް ލަނޑުތައް ކާމިޔާބުކޮށްދިނީ، އިބްރާހިމް އަވުސަމް އަބްދުﷲ، މުހައްމަދު ނައުހާން ޒާހިރު، ބިލާލް ބިން އަހުމަދު އަދި މުހައްމަދު ޒޯރޯން އަޔާޒް އެވެ. އޭގެ ތެރެއިން 4 ލަނޑު އަވުސަމް ޖެހިއިރު، ނައުހާން ވަނީ 2 ލަނޑު ޖަހާފައެވެ. އަދި ބިލާލް އާއި ޒޯރޯން ވަނީ 1 ލަނޑު ޖަހާފައެވެ.

އިސްލާމިކް ޔުނިވަރސިޓީން ޖެހި 1 ލަނޑު ކާމިޔާބުކޮށްދީފައިވަނީ، އިބްރާހިމް އީމަން އެވެ. އަދި މި 2 ޓީމުން ބައްދަލުކުރި މެޗުން "ޕްލެޔަރ އޮފް ދަ މެޗު" ލިބިފައިވަނީ، އަހްމަދިއްޔާ ސްކޫލްގެ އަވުސަމް އަށެވެ.

ބިޒްނަސް ސްކޫލުން އެމްއައިޓީ އާއި ދެކޮޅަށް ކުޅުނު މެޗުން ބިޒްނަސް ސްކޫލަށް ލަނޑު ޖަހައިދީފައިވަނީ، އިބްރާހިމް ހަމީދު، މުހައްމަދު އަޖުވަދު ސޮލާހް، މުހައްމަދު ތާހިރު، ކައިސަން ބިން ހަސަން، ޒައިޝަން އަޝްރަފު، ތޮއައިފް އަހުމަދު ފިރާގު، މުހައްމަދު އަލީ، ހުސައިން އަފީފް އަދި އަހުމަދު ރިޝްފާން އެވެ. އޭގެ ތެރެއިން 5 ލަނޑު ހަމީދު ޖަހާފާވާއިރު، އަޖުވަދު އަދި ތާހިރު ވަނީ 2 ލަނޑު ޖަހާފައެވެ. މީގެ އިތުރުން ކައިސަން، ޒައިޝަން، ތޮއައިފް، މުހައްމަދު އަލީ، ހުސައިން އަފީފް، އަދި ރިޝްފާން ވަނީ 1 ލަނޑު ޖަހާފައެވެ.

ބިޒްނަސް ސްކޫލާއި އެމްއައިޓީން ވާދަކުރި މެޗަކީ ރޭ ކުޅުނު މެޗުތަކުން އެންމެ ފޯރިގަދަ އެއް މެޗެވެ. އެގޮތުން، އެމްއައިޓީން ޖެހި 2 ލަނޑު ކާމިޔާބުކޮށްދީފައިވަނީ، އަބްދުﷲ ނާސިފް އެވެ. އަދި މި މެޗުން "ޕްލެޔަރ އޮފް ދަ މެޗު" ހޯދީ އިބްރާހިމް ހަމީދު އެވެ.