ހުޅުމާލޭ ސެންޓްރަލް ޕާކު ސަރަހައްދުގައި އިތުރު ޕާކިންގް ޒޯނެއް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ގާއިމުކޮށްފިއެވެ.
އެޗްޑީސީން މިކަން ހާމަކޮށްފައިވަނީ އެ ކުންފުނިން އެކްސްގައި ކުރި ޕޯސްޓަކުންނެވެ.
މި ޕާކިންގް ޒޯން އެޗްޑީސީން ގާއިމުކޮށްފައިވަނީ ހުޅުމާލޭ ސެންޓްރަލް ޕާކު ސަރަހައްދު ކައިރީގައި ހުރި ޕޮލިސް ސްޓޭޝަން ކައިރީގައެވެ. އަދި މި ޕާކިންގް ޒޯންގެ ސަބަބުން ސެންޓްރާލް ޕާކަށް ސައިކަލުތަކުގައި ޒިޔާރަތްކުރާ ފަރާތްތަކަށް އިތުރު ލުއިފަސޭހަތަކެއް ލިބިގެންދާނެއެވެ.
މީގެ އިތުރުން، އެޗްޑީސީން މިހާރު ގެންދަނީ އެ ސަރަހައްދުގައި ދުވާރު ހެދުމުގެ މަސައްކަތް ކުރަމުންނެވެ.
އެޗްޑީސީން ދަނީ ހުޅުމާލެ އަކީ ހިތް ފަސޭހަ، އަމާން ރައްކާތެރި ތަނެކަށް ހެދުމުގެ ގޮތުން ގިނަ މަސައްކަތެއް ހުޅުމާލޭގެ އެކި ސަރަހައްދުތަކުގައި ކުރަމުންނެވެ.
Advertisement
This content is created and paid for by advertisers and does not involve Voice Journalists
