ސަޢުދީ ޢަރައްބިއްޔާގެ ޔުނިވާސިޓީ ތަކުން އެކި ދާއިރާތަކުން މަތީ ތައުލީމު ހާސިލުކުރަން ބޭނުންވާ ބައިނަލްއަގުވާމީ ދަރިވަރުންނަށް ކުރިމަތިލުމުގެ ފުރުސަތު ހުޅުވާލައިފިއެވެ.
ސައުދީ އެމްބަސީން ހާމަކުރި ގޮތުގައި މި ޕްރޮގްރާމްގެ ދަށުން ދިވެހި ދަރިވަރުން ހިމެނޭހެން ބައިނަލްއަގުވާމީ ދަރިވަރުންނަށް ސައުދީގެ އެކި ޔުނިވަރސިޓީތަކުގައި ފުރަތަމަ ޑިގްރީ އަދި ޕޯސްޓްގްރެޖުއޭޓް ފެންވަރަށް ކިޔެވުމުގެ ފުރުސަތު ލިބިގެންދާނެއެވެ.
މި ފުރުސަތުގައި ބައިވެރިވާން ބޭނުންވާ ފަރާތްތަކުން ކަނޑައެޅިފައިވާ ޝަރުތުތައް ބެއްލެވުމަށްފަހު ސައުދީ އަރަބިއްޔާގެ މިނިސްޓްރީ އޮފް އެޑިއުކޭޝަނުގެ ޕޯޓަލް މެދުވެރިކޮށް ރަޖިސްޓްރީ ކުރުމަށް ސަޢުދީން ދައުވަތު އަރުވައެވެ.
މި ޕްރޮގްރާމްގެ ދަށުން އިންޖިނިއަރިންގ، މެޑިސިން، އިންފޮމޭޝަން ޓެކްނޮލޮޖީ، އިސްލާމިކް ސްޓަޑީޒް، ބިޒްނަސް އެޑްމިނިސްޓްރޭޝަން އަދި ސައިންސްގެ ދާއިރާތަކުން ސައުދީގެ ޔުނިވަރސިޓީތަކަށް ކުރިމަތިލެވޭނެއެވެ.
އެ އެމްބަސީން ބުނީ ކިޔެވުމުގެ ފުރުސަތުގެ އިތުރުން "ސްޓަޑީ އިން ސައުދީ" ގެ ދަށުން ހިންގާ ގިނަ ޕްރޮގްރާމްތަކުގައި ބައިނަލްއަގުވާމީ ދަރިވަރުންނަށް ގިނަ އިނާޔަތްތަކެއް ލިބިގެންދާނެ ކަމަށެވެ.
Advertisement
This content is created and paid for by advertisers and does not involve Voice Journalists
