ދިރާގު އެމްއެންޔޫއެސްޔޫ ފުޓްސަލް ފިއެސްޓާ 2026 ގައި ރޭ ކުޅުނު މެޗުތަކުން އެމްއައިޓީއާއި އެމްއެންޔޫ ބިޒްނަސް ސްކޫލު މޮޅުވެއްޖެއެވެ.

ރޭ ކުޅުނު މެޗުތަކުން އެމްއިޓީން އައިއެމްޔޫ އާއި ދެކޮޅަށް ކުޅުނު މެޗު އެމްއައިޓީން ވަނީ 2-3 ގެ ނަތީޖާއަކުން ކާމިޔާބުކޮށްފައެވެ. އަދި އެމްއެންޔޫގެ ބިޒްނަސް ސްކޫލުން ފެކަލްޓީ އޮފް އާރޓްސް އާއި ދެކޮޅަށް ކުޅުނު މެޗުން އެމްއެންޔޫގެ ބިޒްނަސް ސްކޫލުން ވަނީ 2-5 ގެ ނަތީޖާއަކުން ކާމިޔާބުކޮށްފައެވެ.

އެމްއައިޓީ އާއި އައިއެމްޔޫ ބައްދަލުކުރި މެޗުން އެމްއައިޓީން ޖެހި ހުރިހާ ލަނޑުތައް ކާމިޔާބުކޮށްދިނީ އަބްދުﷲ ނާސިފް އެވެ. އަދި ހަމްދާން އާއި އަރީޝް ވަނީ އައިއެމްޔޫ އަށް 2 ލަނޑު ކާމިޔާބުކޮށްދީފައެވެ. އެގޮތުން ހަމްދާން ވަނީ މެޗުގެ 5 ވަނަ މިނެޓުގައި އައިއެމްޔޫއަށް ކުރި ހޯދައިދީފައެވެ. ނަމަވެސް އޭގެ 2 މިނެޓު ފަހުން ނާސިފް ވަނީ ނަތީޖާ އެއްވަރު ކޮށްފައެވެ. އަދި މެޗުގެ 20 ވަނަ މިނެޓުގައި އަރީޝް އާއި ނާސިފް ޖެހި ލަނޑުން ނަތީޖާ ހުރީ 2-2 ގައެވެ. ނަމަވެސް މެޗުގެ 25 ވަނަ މިނެޓުގައި ނާސިފް ޖެހި ލަނޑުން އެމްއައިޓީ ވަނީ އެ މެޗުން މޮޅުވެފައެވެ.

އެމްއެންޔޫގެ ބިޒްނަސް ސްކޫލުން ފެކަލްޓީ އޮފް އާރޓްސް އާއި ދެކޮޅަށް ކުޅުނު މެޗުގައި ބިޒްނަސް ސްކޫލަށް ލަނޑުތައް ކާމިޔާބުކޮށްދިނީ، މާއިސް، ފައިޒާން، އަދި އަހްމަދުﷲ އެވެ. ފެކަލްޓީ އޮފް އާރޓްސް އަށް ލަނޑުތައް ކާމިޔާބުކޮށްދިނީ ހަމައެކަނި ޒީކް އެވެ. މެޗުގެ 2 ވަނަ މިނެޓުގައި މާއިސް އާއި ފައިޒާން 2 ލަނޑު ޖެހިއިރު، ފައިޒާން، އަހްމަދުﷲ، އަދި މާއިސް ވަނީ މެޗުގެ 12،14 އަދި 15 ވަނަ މިނެޓުގައި ލަނޑުތައް ޖަހާ ނަތީޖާ 0-5 އަށް އަރުވާފައެވެ. މެޗު އެއްވަރު ކުރަން ފެކަލްޓީ އޮފް އާރޓްސް އިން ގިނަ މަސައްކަތްތަކެއް ކުރި ނަމަވެސް، ޒީކް އިން މެޗުގެ 20 އަދި 31 ވަނަ މިނެޓުގައި ޖެހި 2 ލަނޑާއެކު ފެކަލްޓީ އޮފް އާރޓްސް އިން ވަނީ 2-5 ގެ ނަތީޖާއަކުން ބަލިވެފައެވެ.

ބިޒްނަސް ސްކޫލާއި ފެކަލްޓީ އޮފް އާރޓްސް އިން ބައްދަލު ކުރި މެޗުން މާއިސް އަށް ޕްލެޔަރ އޮފް ދަ މެޗު ލިބިފައިވާއިރު، އެމްއައިޓީ އާއި އައިއެމްޔޫ އިން ބައްދަލުކުރި މެޗުން ނާސިފް ވަނީ ޕްލެޔަރ އޮފް ދަ މެޗު ހޯދާފައެވެ.