ދިރާގު އެމް.އެން.ޔޫ.އެސް.ޔޫ ފުޓްސަލް ފިއެސްޓާ 2026 ގައި ރޭ ކުޅުނު ފޯރިގަދަ މެޗުގައި ޒިކުރާ ކޮލެޖުން ސްކޫލް އޮފް މެޑިސިންގެ މައްޗަށް 0-14 ގެ ބޮޑު ތަފާތަކުން ކުރިހޯދައިފިއެވެ.

މެޗުގެ ފުރަތަމަ ލަނޑު، ކުޅުން ފެށި ފުރަތަމަ މިނެޓުގައި ޒިކުރާ ކޮލެޖަށް ކާމިޔާބުކޮށްދިނީ އަހުމަދު އައިޝަމް އިގްބާލެވެ. އޭގެ ފަހުން 11 ވަނަ މިނެޓުގައި ހަސަން ރަޝީދު ވަނީ އެ ޓީމުގެ ދެވަނަ ލަނޑު ޖަހައިދީފައެވެ. މެޗުގެ 12 ވަނަ މިނެޓަކީ ޒިކުރާ ކޮލެޖަށް ވަރަށް ކާމިޔާބު މިނެޓެކެވެ. އެ މިނެޓުގެ ތެރޭގައި ފާރޫގު އިސްމާއިލް، ހަސަން ރަޝީދު އަދި މުހައްމަދު ޝާވިން ވަނީ ތިން ލަނޑު ކާމިޔާބުކޮށްފައެވެ.

ޒިކުރާ ކޮލެޖުން ލަނޑުތައް އިތުރުކުރަމުން ދިޔައިރު، 15 ވަނަ މިނެޓުގައި އަހުމަދު ނަބީލް ލަނޑެއް ޖެހިއެވެ. އަދި 20 ވަނަ މިނެޓުގައި އަހުމަދު އައިޝަމް އިގްބާލް ވަނީ އޭނާގެ ދެވަނަ ލަނޑު ކާމިޔާބުކޮށްފައެވެ. އޭގެ ފަހުން 22 ވަނަ މިނެޓުގައި ފާރޫގު އިސްމާއިލް އަދި 24 ވަނަ މިނެޓުގައި އަހުމަދު އައިޝަމް އިގްބާލް ވަނީ އިތުރު ލަނޑުތަކެއް ޖަހައިފައެވެ. 26 ވަނަ މިނެޓުގައި ރީހާން ހަސަން ވަނީ ޓީމުގެ 10 ވަނަ ލަނޑު ހަމަކޮށްދީފައެވެ.

މެޗުގެ ފަހުބައިގައިވެސް ޒިކުރާ ކޮލެޖުން ވަނީ ލަނޑުތައް އިތުރުކޮށްފައެވެ. އެގޮތުން 32 ވަނަ މިނެޓުގައި އިސްމާއިލް ޝާން ހަމީދު، 35 ވަނަ މިނެޓުގައި ހަސަން ރަޝީދު، 36 ވަނަ މިނެޓުގައި އަހުމަދު މިރާޒް އަދި 38 ވަނަ މިނެޓުގައި އަހުމަދު ޝާން ވަނީ ލަނޑުތައް ކާމިޔާބުކޮށްފައެވެ.

މި މެޗުގެ މޮޅު ކުޅުންތެރިޔަކަށް ހޮވިފައިވަނީ ޒިކުރާ ކޮލެޖަށް ތިން ލަނޑު ކާމިޔާބުކޮށްދިން ހަސަން ރަޝީދެވެ. މެޗު ނިމުނުއިރު ޒިކުރާ ކޮލެޖު އޮތީ 0-14 އިން ކުރީގައެވެ. ސްކޫލް އޮފް މެޑިސިން އަށް މި މެޗުގައި އެއްވެސް ލަނޑެއް ކާމިޔާބެއް ނުކުރެވުނެވެ.