ދިރާގު އެމް.އެން.ޔޫ.އެސް.ޔޫ ފުޓްސަލް ފިއެސްޓާ 2026 ގައި ރޭ ކުޅެވުނު ފޯރިގަދަ މެޗުގައި ސެންޓަރ ފޯ ފައުންޑޭޝަން ސްޓަޑީޒް (ސީ.އެފް.އެސް) އިން ވިލާ ކޮލެޖު ބަލިކޮށް މުހިންމު ތިން ޕޮއިންޓް ހޯދައިފިއެވެ.

މި މެޗު ސީ.އެފް.އެސް އިން ކާމިޔާބުކުރީ 0-1 ގެ ނަތީޖާއަކުންނެވެ.

މުޅި މެޗުގައި ދެ ޓީމުގެ ފަރާތުންވެސް ފެނިގެންދިޔައީ ވަރަށް ވާދަވެރި ކުޅުމެކެވެ. މެޗުގެ ބޮޑުބައިގައި ދެ ޓީމަށްވެސް ލަނޑެއް ކާމިޔާބު ނުކުރެވި އޮތުމުން، މެޗު ނިމިގެންދާނީ އެއްވެސް ޓީމަކަށް ލަނޑެއް ނުޖެހި އެއްވަރުވެގެން ކަމަށް ބެލެވުނެވެ.

ނަމަވެސް، މެޗުގެ ފުރިހަމަ ވަގުތު ހަމަވާން ގާތްވެފައިވަނިކޮށް، ސީ.އެފް.އެސް އިން ވަނީ މެޗުގެ ނަތީޖާ ބަދަލުކޮށްލާފައެވެ. މެޗުގެ 40 ވަނަ މިނެޓުގައި ސީ.އެފް.އެސް އަށް މި މުހިންމު ލަނޑު ކާމިޔާބުކޮށްދިނީ އެ ޓީމުގެ އަބްދުﷲ ރިޒާން މުހައްމަދު އެވެ.

މި ލަނޑާއެކު ވިލާ ކޮލެޖުން ނަތީޖާ ހަމަހަމަކުރުމަށް މަސައްކަތް ކުރި ނަމަވެސް، މެޗު ނިމިގެންދިޔައީ ސީ.އެފް.އެސް ކުރީގައި އޮވެގެންނެވެ. މި ނަތީޖާއާއެކު ވިލާ ކޮލެޖަށް މި މެޗުން އެއްވެސް ޕޮއިންޓެއް ލިބޭގޮތް ވަނީ ނުވެފައެވެ.

މެޗުގެ މޮޅު ކުޅުންތެރިއަކަށް ހޮވުނީ ސީ.އެފް.އެސް އަށް މެޗުގެ ހަމައެކަނި ލަނޑު ކާމިޔާބުކޮށްދިން އަބްދުﷲ ރިޒާން މުހައްމަދު އެވެ. އޭނާ ވަނީ މުޅި މެޗުގައިވެސް އެ ޓީމުގެ ފަރާތުން ފާހަގަކޮށްލެވޭ ފަދަ މޮޅު ކުޅުމެއް ދައްކާފައެވެ.