ފީފާ އިން އާންމުކުރި ދުނިޔޭގެ ފުޓްސަލް ރޭންކިންގައި ދެކުނު އޭޝިއާގެ އެއްވަނަ ގައުމުގެ ގޮތުގައި ރާއްޖެ އޮތްއޮތުން އިތުރު ބާރަކާއެކު ދަމަހައްޓައިފި އެވެ.
ދުނިޔޭގެ ފުޓްބޯޅައިގެ މައި އިދާރާއިން މިއަދު ވަނީ ދުނިޔޭގެ ފުޓްސަލް ރޭންކިން އާންމުކޮށްފަ އެވެ. މި ފަހަރުގެ ރޭކިންގައި ވެސް ދެކުނު އޭޝިއާގެ އެއްވަނަ ގައުމުގެ ގޮތުގައި އޮތީ ރާއްޖެ އެެވެ.
އަދި އިތުރު 10 ދަރަޖައިގެ ކުރިއެެރުމެއް ރާއްޖެ ވަނީ ހޯދާފަ އެވެ. މި ކުރިއެެރުމާއެކު ކުރީން އޮތް 109 ވަނައިން ރާއްޖެ ވަނީ 99 ވަނަ އަށް ކުރިއަށް ޖެހިލާފަ އެވެ. މިއާއެކު އޭޝިއާ ބައްރުގެ 24 ވަނަ ރާއްޖެއަށް ވަނީ ލިބިފަ އެވެ.
މި ސަރަހައްދުން ރާއްޖެއާ އެންމެ ކައިރީގައި އޮތީ ނޭޕާލް އެވެ. އެ ގައުމު އޮތީ ދުނިޔޭގެ ރޭކިންގެ 110 ވަނާގަ އެވެ. މި ސަރަހައްދުގެ ފުޓްބޯޅައިގެ ބޮޑު ބާރު އިންޑިއާ އޮތީ ފުޓްސަލް ރޭކިންގައި 130 ވަނާގަ އެވެ. މިއީ ރާއްޖެއަށް ވުރެ 31 ދަރަޖަ ދަށެވެ.
ދުނިޔޭގެ އެންމެ ވަރުގަދަ 100 ފުޓްސަލް ޓީމުގެ ލިިސްޓުން ރާއްޖެއަށް ޖާގަ ލިބުނުއިރު ތައިލެންޑްގައި ނިމިގެންދިޔަ ސާފް ފުޓްސަލް ޗެމްޕިއަންޝިޕްގެ ޗެމްޕިއަންކަން ހޯދާ ރާއްޖެ ވަނީ ދުނިޔެއަށް ވަރުގަދަ މެސެޖެއް ދީފަ އެވެ.
ސާފް ފުޓްސަލް ޗެމްޕިއަންޝިޕްގެ ތަށި ރާއްޖެއިން ހޯދާފައިވަނީ ކުޅުނު ހުރިހާ މެޗަކުން މޮޅުވެގެންނެވެ. މި މުބާރާތުގެ ގިނަ މެޗްތައް ރާއްޖެއިން ކާމިޔާބުކުރީ ތަފާތުބޮޑު ނަތީޖާތަކުންނެވެ.
Advertisement
This content is created and paid for by advertisers and does not involve Voice Journalists
