ރެހެނދި ފުޓްސަލްދަނޑުގައި މިހާރު ކުރިއަށްދާ ދިރާގު އެމްއެންޔޫ ފުޓްސަލް ފިއެސްޓާގެ މެޗްތައް ބަލާލުމަށް ދަނޑުދޮށަށް ގޮސްގެން އައިފޯނެއް ހޯދުމުގެ ފުރުސަތު ރާއްޖޭގެ އެންމެ ފުރަތަމަ ސުޕަ އެޕް އީޒެޕުން ފަހިކޮށްދީފިއެވެ.

އީޒެޕުން ބުނީ މުބާރާތުގެ މެޗްތައް ބަލާލުމަށް ދަނޑަށް ގޮސް، ކިއުއާރު ކޯޑެއް ސްކޭންކޮށްގެން އައިފޯން 17 ހޯދުމުގެ ފުރުސަތު ހުޅުވާލާފައިވާކަމަށެވެ. ކިއުއާރުކޯޑް ސްކޭން ކުރަންޖެހެނީ އީޒެޕް މޯބައިލް އެޕްލިކޭޝަން މެދުވެރިކޮށް ދަނޑަށް ގޮސްގެންނެވެ. އެގޮތުން އެޕްލިކޭޝަނަށް ވަދެ ލައިވް އިވެންޓް ކިއުއާރުކޯޑް ސިލެކްޓްކުރުމަށްފަހު، ދަނޑުކައިރީ ބަހައްޓާފައިވާ އެކަމަށް ހާއްސަ ބެނާ ބޯޑުގައިވާ ކޯޑް ސްކޭން ކޮށްލައިގެން ޕްރޮމޯޝަނުގައި ބައިވެރި ވެވޭނޭކަމަށް އީޒެޕުން ބުންޏެވެ.

އައިފޯން 17 ލިބޭ މި ޕްރޮމޯޝަން ކުރިއަށްދާނީ، މިމަހުގެ 15 ވަނަ ދުވަހުގެ ނިޔަލަށެވެ. އައިފޯނުގެ އިތުރުން ދަނޑަށް މެޗްބަލަންދާ ފަރާތްތަކަށް ކިއުއާރު ކޯޑް ސްކޭންކޮށްލައިގެން ހުޅުމާލޭގައި ހުންނަ އަންކަލް ބޯބޯއިން ހިލޭ ޑްރިންކްސް ލިބޭނޭމަގުވެސް އީޒެޕުން ވަނީ ފަހިކޮށްދީފައެވެ. ހާއްސަ ޕްރޮމޯކޯޑެއްގެ ދަށުން ހިލޭ ޑްރިންކް ލިބުނު ނަމަވެސް ޑެލިވަރީ ފީގެ ގޮތުގައި 20 ރުފިޔާ ދައްކަން ޖެހޭނޭކަމަށް އީޒެޕުން ބުނެއެވެ.

އީޒެޕަކީ ރާއްޖެއަށް ތައާރަފްކުރި އެންމެ ފުރަތަމަ "ސުޕަ އެޕްލިކޭޝަނެވެ. އީޒެޕް، ތަރައްގީކޮށްފައިވަނީ ރާއްޖޭގައި އޮންލައިންކޮށް ދެވޭ ގިނަ ޚިދުމަތްތައް އެއްތަނަކުން ދެވޭ ގޮތަށެވެ.