އިނގިރޭސި ޕްރިމިއާލީގް ރެލިގެޝަން ޒޯނުން އަރައިގަތުމަށް ޓޮޓެންހަމް ހޮޓްސްޕާއަށް އަނެއްކާވެސް އިތުރު އިންތިޒާރެއްކުރަން ޖެހިއްޖެއެވެ.

ޕްރިމިއާ ލީގްގައި ރޭ ސްޕާސް އާއި ލީޑްސް ބައްދަލުކުރިމެޗް ނިމުނީ 1-1 ގެ ނަތީޖާއަކުން ދެޓީމް އެއްވަރުވެގެންނެވެ. މެޗްގައި އެންމެ ފުރަތަމަ ލަނޑެއް ޖަހައި ކުރި ހޯދީ ސްޕާސްއެވެ. އެއީ މެޗްގެ ދެވަނަ ހާފްގައި ޓެލް ކާމިޔާބުކޮށްދިން ލަނޑުންނެވެ. ސްޕާސްއިން ލަނޑެއް ޖަހައި ކުރި ހޯދާފައިވަނިކޮށް އުއްމީދުތައް ގެއްލުވާލީ 74 ވަނަ މިނެޓް ތެރޭގައި ލީޑްސްއަށް ލިބުނު ޕެނަލްޓީއަކުން ޑޮމިނިކް ކަލްވަޓް ކާމިޔާބުކޮށްދިން ލަނޑުންނެވެ.

މިމެޗް އެއްވަރުވުމުން އެންމެބޮޑު ނުތަނަވަސްކަމެއް ކުރިމަތިލާން ޖެހުނީ ސްޕާސްއަށެވެ. ސަބަބަކީ މިހާރު ރެލިގޭޝަނާ އެންމެ ކައިރީގައި އޮތީ އެޓީމް ކަމަށްވާތީއެވެ. ލީގްގެ ޕޮއިންޓް ތާވަަލް މިހާރު އޮތްގޮތަށް ބަލާއިރު، ސްޕާސް ދެން ކުޅޭ މެޗުން މޮޅު ނުވެއްޖެނަމަ އެޓީމް ރެލިގޭޓްވާނެއެވެ. 

ލީގްގައި ސްޕާސްއަށް ކުރިއަށް ދެން އޮތީ ނިސްބަތުން އުނދަގޫ ދެމެޗެވެ. އަންނަ އަންގާރަ ދުވަހު ސްޕާސް ނިކުންނާނީ ޗެލްސީ އާއެވެ. އަދި ލީގްގެ އެންމެ ފަހު މެޗްގައި ނިކުންނާނީ ކްރިސްޓަލް ޕެލަސް އާ ދެކޮޅަށެވެ. ކްރިސްޓަލް ޕެލަސް އަކީވެސް ރެލިގޭޝަނުން ސަލާމަތްވުމަށް މަސައްކަތްކުރަމުންދާ ޓީމަކަށްވުމުން އެޓީމާ ދެކޮޅަށް ސްޕާސް ނިކުންނަ މެޗް ފަސޭހަނުވާނޭކަމަށް ކޯޗް ރޮބާޓޯ ޑިޒާބީ ވަނީ ފާހަގަކޮށްފައެވެ. މި ދެޓީމް ލީގްގައި ސްޕާސްގެ ދަނޑުގައި ކުޅުނު މެޗް ކާމިޔާބުކުރީ ކްރިސްޓަލް ޕެލަސްއެވެ.