ރައީސް އަބްދުﷲ ޔާމީނުގެ ފަރާތުން ސުޕްރީމް ކޯޓަށް ވެއްދި ދުސްތޫރީ މައްސަލައާއި ގުޅޭ ސިއްރު ބަޔާންތައް ލީކުވެއްޖެއެވެ.

ސުޕްރީމް ކޯޓުން ބަލއިނުގަތުމަށް ނިންމާފައިވާ ސިއްރު ބަޔާންތައް ލީކުވެ މީސް މީޑިއާގައި މިހާރު ދައުރުވަމުން އެބަދެއެވެ. މި ބަޔާންތައް ލީކު ކޮށްލާފައިވަނީ ބަޔާން ދިން މީހުންގެ މައުލޫމާތު ނޭނގޭ ގޮތަށެވެ.

ލީކު ކޮށްލެވުނު ބަޔާންތަކުގައި ވަނީ އިންތިހާބާއި ގުޅޭ ޝަކުވާ ހުށަހެޅޭނެ ގޮތް ތަކެއް ހަމަޖައްސާފައި ނުވާ ކަމަށެވެ.

މީގެ އިތުރުން އިލެކްޝަންސް ކޮމިޝަނުގެ ރައީސް އިންތިހާބުގެ ނަތީޖާ އޮޅުވާލަން މަސައްކަތް ކޮށްފައިވާ ކަމަށާއި ވޯޓު އޮޅުވާލުމުގެ ބޭނުމުގައި އަނގޮޓިތަކެއްވެސް ގެނެސްފައިވާ ކަމަށެވެ. 

މި އަނގޮޓިތައް އިލެކްޝަންސް ކޮމިޝަނުގެ ރައީސް އަހްމަދު ޝަރީފް ގެންގުޅުންތަން ފެނިފައިވާ ކަމަށާއި އެ އަނގޮޓިތައް ޗައިނާއިން ރާއްޖެއަށް އެތެރެކޮށްފައިވަނީ ޝަރީފާއި ވަރަށް ގާތް ގުޅުމެއް އޮންނަ ދެމީހުން ކަމަށްވެސް އެ ބަޔާންތަކުގައި ބުނެފައިވެއެވެ.

މި ބަޔާންތަކުގައި ބުނެފައިވާ ފަދައިން އިންތިހާބުގެ ނަތީޖާ އޮޅުވާލިކަން ސާބިތު ކޮށްދެވޭ ވަރުގެ އެއްވެސް ހެއްކެއް ދެއްކިފައިނުވާ ކަމަށް އިލެކްޝަންސް ކޮމިޝަނުންވަނީ ހާމަކޮށްފައެވެ.

މި މައްސަލައިގެ އަޑު އެހުންތައް ނިމި ދެން އޮތީ ހުކުމް އިއްވުމެވެ.