ދިވެހިރާއްޖޭގެ މިނިވަންދުވަހުގެ މުނާސަބާ ފާހަގަކުރުމުގެ ގޮތުން މިރޭ ހަވާ އެރުވުމަށް ނިންމާފައިވާކަމަށް ޤައުމީ ދިފާއީ ބާރުން ބުނެފިއެވެ.
މޯލްޑިވްސް ނެޝަނަލް ޑިފެންސް ފޯސްއިން ބުނީ މިރޭ ހަވާ އެރުވުމަށް ހަމަޖެހިފައިވަނީ، 23:00 ހާއިރު މާލޭ އެއްނަމްބަރު ފާލަމާދިމާ ބޭރުންކަމަށެވެ. ހަވާއެރުވުމުގެ ހަރަކާތް 5 މިނެޓެއްހާއިރުވަންދެން ކުރިއަށްގެންދިއުމަށް ވަނީ ނިންމާފައެވެ.
މިނިވަންދުވަސް ފާހަގަކުރުމަށް މިދިޔަ އަހަރުވެސް ހަވާއެރުވުން ކުރިއަށްގެންގޮސްފައިވެއެވެ. އެގޮތުން މިދިޔަ އަހަރު ހަވާއެރުވުން ކުރިއަށްްް ގެންގޮސްފައިވަނީ ވެލާނާ އިންޓަރނޭޝަން އެއާޕޯޓްގެ އާ ޓާމިނަލްގެ ހިދުމަތް ރަސްމީކޮށް ފެށުމަށް ބޭއްވި ރަސްމިއްޔާތުގެ ތެރެއިންނެވެ. ހަވާއެރުވުމުގެ އެ ހަރަކާތަކީ ރާއްޖޭގައި މިހާތަނަށް ބޭއްވި ހަވާއެރުވުމުގެ އެންމެ ބޮޑު އެއް ހަރަކާތެވެ.
މާލެ ވަށައިގެން ކަނޑުގެ 16 ސަރަހައްދެއްގައި ހަވާ އެރުވުން ކުރިއަށްގެންދިޔައިރު އެ ހަރަކާތަށް ގިނަ ބައެއްގެ ސަމާލުކަން ލިބިގެންދިޔައެވެ.
ރާއްޖެއަށް މިނިވަންކަން ލިބުނީ 1965 ވަނަ އަހަރުގެ ޖުލައިމަހުގެ 26 ވަނަ ދުވަހުއެވެ.
Advertisement
This content is created and paid for by advertisers and does not involve Voice Journalists
