އިނގިރޭސި ޕްރިމިއާ ލީގްގައި ރޭ އެސްޓަން ވިލާ އާއި ލިވަޕޫލް ބައްދަލުކުރިމެޗް އެސްޓަންވިލާ ކާމިޔާބުކޮށް އަންނަ ސީޒަނުގެ ޗެމްޕިއަންސް ލީގް ޖާގައެއް ކަށަވަރުކޮށްފިއެވެ.

ލީގްގައި ލިވަޕޫލާ އެސްޓަން ވިލާ ބައްދަލުކުރި މެޗް އެސްޓަންވިލާ ކާމިޔާބުކުރީ 4-2 ގެ ނަތީޖާއިންނެވެ. އެސްޓަންވިލާގެ ދަނޑުގައި ކުޅުނު މިމެޗްގައި އެންމެ ފުރަތަމަ ލަނޑެއް ޖަހައި ކުރި ހޯދީވެސް އެޓީމެވެ. އެއީ މެޗްގެ 42 ވަނަ މިނެޓް ތެރޭގައި ރޮޖާސް ކާމިޔާބުކޮށްދިން ލަނޑުންނެވެ.

ފުރަތަމަ ހާފް އެސްޓަން ވިލާ ކުރީގައި އޮވެގެން ނިމުނުއިރު، ދެވަނަ ހާފްގެ ކުރީކޮޅު ލިވަޕޫލްގެ ވެންޑައުިކް ވަނީ ލަނޑެއް ޖަހައި މެޗް އެއްވަރުކޮށްފައެވެ. ނަމަވެސް އޭގެ ހަތަރު މިނެޓްފަހުން އެސްޓަން ވިލާގެ އޮލީ ވޮޓްކިންސް ވަނީ ލަނޑެއް ޖަހައި ދެވަނަ ފަހަރަށް ލީޑް ނަގައިދީފައެވެ. އަދި 73 ވަނަ މިނެޓް ތެރޭގައި އިތުރު ލަނޑެއް ޖަހައި މެޗްގެ ނަތީޖާ 3-1 ކަށް ބަދަލުވިއިރު، މެކްގިން ވަނީ 73 ވަނަ މިނެޓް ތެރޭގައި ލަނޑެއް ޖަހައި މެޗްގެ ނަތީޖާ 4-1 ކަށް ބަދަލުކޮށް ޗެމްޕިއަންސްލީގް ޖާގައެއް ކަށަވަރުކޮށްދީފައެވެ. 

ލިވަޕޫލުން ޖެހި ދެވަނަ ލަނޑަކީ މެޗްގެ އިތުރު ވަގުތު ކުޅުމުގެ ތެރޭގައި ވެންޑައިކް ޖަހައިދިން ލަނޑެކެވެ. 

މިމެޗުން މޮޅުވުމާއެކު އެސްޓަން ވިލާއިން ވަނީ، ކުރިއަށްއޮތް ސީޒަންގެ ޗެމްޕިއަންސްލީގް ކުޅުމުގެ ފުރުސަތު ޔަގީންކޮށްފައެވެ. ޕޮއިންޓް ތާވަލް މިހާރު އޮތްގޮތަށް ބަލާއިރު އެސްޓަން ވިލާ އޮތީ 62 ޕޮއިންޓާއެކު ތާވަލްގެ ހަތަރު ވަނާގައެވެ. ޕްރިމިއާ ލީގްގައި އެސްޓަން ވިލާއަށް ދެން އޮންނާނީ މެންޗެސްތަރ ސިޓީއާ ދެކޮޅަށް ނިކުންނަ މެޗް އެކަންޏެވެ. 

އެސްޓަން ވިލާއަށް ޗެމްޕިއަންސްލީގް ޖާގައެއް ކަށަވަރުވިއިރު، ޔުއެފާ ޔޫރޮޕާ ލީގް ފައިނަލުގައި މިމަހުގެ 20 ވަނަ ދުވަހު އެޓީމް ފްރެއިބާގާ ދެކޮޅަށް ނިކުންނާނެއެވެ.